دەنساۋلىق ساقتاۋ باسقارماسىنىڭ دەرەگىنشە، قازىرگى تاڭدا زارداپ شەككەن كەنشىلەردىڭ دەنساۋلىعى جاقسىرىپ كەلەدى. بۇل تۋرالى قاراعاندى وبلىستىق ماقاجانوۆ اتىنداعى مەديسينا ورتالىعىنىڭ باسشىسى ەرىك شونبايەۆ حابارلادى.

– 7 قاراشادا ماقاجانوۆ اتىنداعى ەمحاناعا مەتان جانە كومىرقىشقىل گازىنان ۋلانعان 1960 جانە 1963 جىلى تۋعان ەكى ناۋقاس جەتكىزىلدى. ولار العاشقى كومەك الۋ ءۇشىن جانساقتاۋ بولىمىنە ءتۇستى. ناۋقاستار بۇگىن وزدەرىن جاقسى سەزىنگەندىكتەن، پالاتاعا اۋىستى، – دەدى ماقاجانوۆ اتىنداعى ومس جاعداي ورتالىعىنىڭ باسشىسى ەرىك شونبايەۆ. 

ىشكى ىستەر ءمينيسترى ەرلان تۇرعىمبايەۆ "اباي" شاحتاسىنداعى ۇيىندىلەردى تازالاۋ جۇمىستارى جۇرگىزىلىپ جاتقانىن ايتىپ، توتەنشە جاعدايدىڭ ىقتيمالدى سەبەبىن اتادى.

– الدىن الا مالىمەتتەر بويىنشا، توتەنشە جاعداي مەتاننىڭ جارىلۋىنان بولعان. ءقازىر پروسەدۋرالار ءجۇرىپ جاتىر. جارىلىس سالدارىنان قىزمەتكەرلەر قازا تاپتى. ساراپتاما قورىتىندىسىنا سايكەس ناقتى شەشىم قابىلدانادى. قازىرگى ۋاقىتتا ادام ءولىمى مەن جارىلىس فاكتىسى بويىنشا قىلمىستىق ءىس قوزعالدى، − دەدى ەرلان تۇرعىمبايەۆ.

7 قاراشا ساعات 08.30-دا اباي شاحتاسىندا جارىلىس بولعان. بۇل كەزدە جەر استىندا 64 ادام جۇمىس ىستەپ جاتقان. جارىلىس سالدارىنان 6 ادام قازا تاۋىپ، 2 ادام زارداپ شەكتى.