دەنساۋلىق ساقتاۋ مينيسترلىگى 8 قاراشا كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 909 ادامنان كوروناۆيرۋس، 16 ادامنان پنيەۆمونيا انىقتالعان. 32 ادام كوروناۆيرۋستان، 2 ادام پنيەۆمونيادان كوز كوز جۇمعان.

ەلدە پتر تەست ارقىلى انىقتالعان كوروناۆيرۋس جاعدايلارىنىڭ جالپى سانى 950 539-عا جەتتى. ونىڭ ىشىندە 12 291 ادام ىندەتتەن كوز جۇمعان. 2020 جىلعى 1 تامىزدان بەرى جۇرگىزىلىپ كەلە جاتقان پنيەۆمونيا ستاتيستيكاسىنا ساي، 80 372 ادام پنيەۆمونيا جۇقتىرعان. 5073 ادام قايتىس بولعان.

9 قاراشاداعى مالىمەت بويىنشا، 39 705 ادام كوروناۆيرۋس پەن پنيەۆمونيادان ەمدەلىپ جاتىر. ولاردىڭ ىشىندە 7 317 پاسيەنت ستاسيوناردا، 32 388 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققانداردىڭ اراسىندا 520 ادامنىڭ جاعدايى اۋىر، 144 پاسيەنتتىڭ جاعدايى وتە اۋىر، 110 ناۋقاس ءوجج اپپاراتىندا جاتىر.

9 قاراشاداعى مالىمەت بويىنشا قازاقستاندا 8 432 406 ادام كوروناۆيرۋسقا قارسى ۆاكسينانىڭ I كومپونەنتىن، 7 702 738 ادام II كومپونەنتىن سالدىرعان.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسى بويىنشا قوستاناي، پاۆلودار، سولتۇستىك قازاقستان وبلىستارى "قىزىل" ايماقتا. نۇر-سۇلتان، الماتى قالالارى، اقمولا، قاراعاندى وبلىستارى  "سارى" ايماقتا. "جاسىل" ايماقتا: شىمكەنت قالاسى، اقتوبە، اتىراۋ، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى.