افريكاداعى نيگەر ەلىنىڭ وڭتۇستىگىندەگى مەكتەپتەردىڭ بىرىندە ءورت شىعىپ، 25 وقۋشى قازا تاپتى، دەپ حابارلادى بي-بي-سي.
8 قاراشا كۇنى تاڭەرتەڭ نيگەردىڭ مارادي ايماعىندا بولعان.
– مارادي قالاسىندا ساماننان تۇرعىزىلعان مەكتەپ عيماراتى ورتەنىپ، 25 وقۋشى مەرت بولدى، تاعى 80 وقۋشىنى قاتتى كۇيىك شالدى. جارالانعانداردىڭ كەيبىرىنىڭ جاعدايى اۋىر. مەكتەپتەگى بارلىق ساباقتار توقتاتىلدى، – دەدى ءوڭىردىڭ مەرى مارادي چايبۋ ابۋباكار.
كۋاگەرلەردىڭ ايتۋىنشا، جاراقات العان بالالار اۆتوكولىكپەن اۋرۋحاناعا جەتكىزىلگەن. زارداپ شەككەندەردىڭ كەيبىرىنىڭ جاعدايى اۋىر.
ءورتتىڭ شىعۋ سەبەبى ازىرگە بەلگىسىز، تەرگەۋ جالعاسىپ جاتىر.
پىكىر قالدىرۋ