بۇگىن ەڭبەكشى اۋدانى اكىمدىگىنىڭ ۇيىمداستىرۋىمەن سايرام كوشەسىنىڭ بويىندا ورنالاسقان №165 كوپقاباتتى ءۇيدىڭ اۋلاسىن اباتتاندىرۋ نىسانى جانە بالالار ويىن الاڭشاسى اشىلدى.

اشىلۋ سالتاناتىنا «Nur Otan» پارتياسىنىڭ شىمكەنت قالالىق فيليالىنىڭ «وتباسى، ايەلدەر جانە بالالاردىڭ قۇقىقتارىن قورعاۋ» ماسەلەلەرى جونىندەگى قوعامدىق كەڭەستىڭ ءتورايىمى شۋنگارايەۆا گۇلايىم اسكەر قىزى، ەڭبەكشى اۋداندىق ارداگەرلەر كەڭەسىنىڭ ءتوراعاسى جايشىبەكوۆ زۇلپىحار سارسەنباي ۇلى قاتىسىپ، تۇرعىنداردى قازاقستان رەسپۋبليكاسى تاۋەلسىزدىگىنە 30 جىل مەرەكەسىمەن قۇتتىقتادى.

ەل تاۋەلسىزدىگىنىڭ 30 جىلدىعىنا وراي ەڭبەكشى اۋدانىندا 2021 جىلى «حالىق قاتىساتىن بيۋدجەت» جوباسىنىڭ اياسىندا كوپقاباتتى 41 ءۇيدىڭ اۋلالارى اباتتاندىرىلىپ، بالالار ويىن الاڭشالارى جاڭالانۋدا.

بۇگىنگى تاڭدا 24 ءۇيدىڭ اۋلاسىندا اباتتاندىرۋ جۇمىستارى اياقتالىپ، تۇرعىنداردىڭ يگىلىگىنە تاپسىرىلدى.

ودان بولەك، جىل سوڭىنا دەيىن 17 كوپقاباتتى ۇيلەردىڭ اۋلاسىنداعى اباتتاندىرۋ جۇمىستارى تولىعىمەن اياقتالىپ، پايدالانۋعا بەرىلدى.