قاراتاۋ اۋدانى اكىمى اپپاراتى توتەنشە جاعدايلار باسقارماسىمەن بىرگە اۋدان اۋماعىنداعى ەلدى مەكەندەردە جىلىتۋ ماۋسىمى كەزىندەگى قاۋىپسىزدىك ەرەجەلەرىن ساقتاۋ بويىنشا ءتۇسىندىرۋ جۇمىستارىن جالعاستىرۋدا. كەزەكتى ءتۇسىندىرۋ شارالارى بارىسىندا تۇرعىندارعا، كاسىپكەرلىك نىسان يەلەرىنە ماماندار تاراپىنان توتەنشە جاعدايدىڭ الدىن الۋعا باعىتتالعان قاۋىپسىزدىك شارالارىنان ماعلۇماتتار بەرىلدى. سونىمەن بىرگە، ۇگىت-ناسيحات جۇمىسىنىڭ بارىسىندا تۇرعىندارعا گازبەن ۋلانۋ تاقىرىبىنداعى ارنايى جادىنامالار تاراتىلدى.

ۋلى گازدان ۋلانۋدىڭ بەلگىلەرى

ۋلى گاز پايدالانىلعان گازدىڭ ۋلى بولىگى. كوپ جاعدايدا ۋلى گازدان ۋلانۋ كومىرمەن نەمەسە گازبەن جاعىلاتىن پەشتەردى نەمەسە قازاندىقتاردى دۇرىس پايدالانباۋدان تۋىندايدى.

ادامعا دەر كەزىندە كومەك كورسەتۋ ءۇشىن مۇنداي ۋلانۋدىڭ نەگىزگى بەلگىلەرىنەن حاباردار بولۋ قاجەت. ۋلى گاز ءيىسسىز بولاتىندىقتان، تىنىس الۋ اۋاسىنىڭ قۇرامىندا0،08%كومىرقىشقىل گازى ارالاسقان كەزدە ادامنىڭ باسى اۋىرىپ، تۇنشىعۋ بەلگىلەرى سەزىلىپ، ۋلانۋى مۇمكىن. كومىرقىشقىل گازىنىڭ كونسەنتراسياسى 0،32% دەيىن جوعارىلاعان كەزدە سال اۋرۋىنىڭ بەلگىلەرى بايقالىپ، ەسىنەن تانۋ جاعدايلارى بولادى (ءولىم 30 مينۋتتان كەيىن كەلەدى).

كونسەنتراسيا1،2% اسقاندا 2-3 تىنىس الۋدان كەيىن ادام ەسىنەن تانىپ، كەمىندە 3 مينۋتتان كەيىن ولىمگە اكەلەدى.

ۋلى گازدان ۋلانۋ كەزىندەگى كومەك

مۇنداي جاعدايدا زاردار شەگۋشىگە دارىگەرگە دەيىن كومەكتىڭ دۇرىس كورسەتىلۋى وتە ماڭىزدى. ول ءۇشىن الدىمەن ۋلانعان ادامدى تازا اۋاعا شىعارىپ، اياعىن ءسال كوتەرىڭكى كۇيدە جاتقىزىپ، دەنەسىن تار كيىمنەن بوساتىپ، ءمۇساتىر ءسپيرتىن يىسكەتىڭىز. ەگەر ادام ەسىن ءبىلىپ جاتىرسا وعان تىنىشتىق جانە ءۇزىلىسسىز وتتەگى قاجەت، مىسالى گازەتپەن جەلپۋگە نەمەسە جەلدەتكىش قوسۋعا بولادى. ال زارداپ شەگۋشى دەم الماي جاتىرسا، الدىمەن تىنىس الۋ جولدارىن تازالاپ الىپ جاساندى دەم بەرۋ قاجەت. جانە دە ارينە «جەدەل جاردەم» قىزمەتىن شاقىرىڭىز. ونداي مۇمكىندىك بولماعان جاعدايدا ومىرلىك ماڭىزدى فۋنكسيالارى قالىپقا كەلگەننەن سوڭ زارداپ شەگۋشىنى ەمدەۋ مەكەمەسىنە جەتكىزۋگە تىرىسىڭىز.

ەسىڭىزدە بولسىن، ۋلانعان ادامدى ءقاۋىپتى گاز كونسەنتراسياسى بار جەردەن الىپ شىعۋ كەزىندە ءوزىڭىز بىرگە ۋلانىپ قالماس ءۇشىن ءبىرىنشى كەزەكتە ءوز قاۋىپسىزدىگىڭىزدى قامتاماسىز ەتۋ قاجەت. ول ءۇشىن تەز ارەكەت ەتىپ، قول ورامالى نەمەسە داكە ارقىلى تىنىش الۋ كەرەك.

ۋلى گازدان ۋلانۋدىڭ الدىن الۋ

راسىندا، قاراپايىم قاۋىپسىزدىك شارالارىن بارلىعى دا بىلەدى. دەگەنمەن، ۋلانۋ ورىن الۋدا. دەمەك، كەيبىر ادامدار ءۇشىن جاتتاندى ءارى بارشاعا ءمالىم قاعيدالاردى قايتالاۋعا تۋرا كەلەدى:

- تەك جارامدى جابدىقتاردى قولدانىڭىز. پەش قالاۋلارىنداعى جارىقتار، تازالانباعان ءتۇتىن تۇرباسى سول سياقتى «ۇساق-تۇيەكتەر» اۋىر زارداپتارعا اكەلۋى مۇمكىن.

- پەشتەر مەن كاميندەردى قاعيدالارعا سايكەس قولدانىڭىز. جەلدەتۋ جۇيەسىنىڭ جۇمىسىنا جۇيەلى تۇردە تەكسەرۋ جۇرگىزىپ، ءتۇتىن تۇربالارىن ۋاقىتىلى تازالاڭىز، پەشتەر مەن كاميندەردى قالاۋدا تەك كاسىپقوي ماماندارعا جۇگىنىڭىز.

- اۆتوكولىك يەلەرى، كولىكجايدا (گاراجدا) قوزعالتقىش بولىگىن قوسۋلى كۇيدە جۇمىس جاساماڭىز.

قۇرمەتتى ازاماتتار!

جوعارىدا ايتىلعان ەرەجەلەردى ساقتاعان جاعدايدا، ءسىز تۇنشىقتىرعىش گازبەن ۋلانۋدىڭ قۇربانى بولماۋىنا اكەلەدى.