شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆا قالا اكىمدىگىنىڭ @akimat_shymkent پاراقشاسىندا تىكەلەي ەفيرگە شىقتى. وندا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدا اتقارىلعان جۇمىستار جونىندە باياندادى.

«ەڭبەك» مەملەكەتتىك باعدارلاماسىمەن بيىل 33 500 ادامدى جۇمىسپەن قامتۋ شارالارىنا قاتىستىرۋ جوسپارلانىپ، بۇگىندە ناقتى 31 486 ادام قامتىلعان. قىسقا مەرزىمدى كاسىپتىك وقىتۋعا 2500 ادام جولدانعان بولسا، ونىڭ 2112ء-سى تۇراقتى جۇمىسقا ورنالاسقان. بوس جۇمىس ورىندارىنا – 19609، الەۋمەتتىك جۇمىس ورىندارىنا - 200، جاستار پراكتيكاسىنا - 2578، اقىلى قوعامدىق جۇمىستارعا 3058 ازامات جولدانعان.

باسقارما باسشىسى تىكەلەي ەفير بارىسىندا تۇرعىندار تاراپىنان تۇسكەن 50-گە جۋىق سۇراققا جاۋاپ بەردى. سۇراقتاردىڭ باسىم بولىگى اتاۋلى الەۋمەتتىك كومەك الۋ ماسەلەلەرى، جاستار پراكتيكاسىمەن جۇمىسقا تۇرۋ تۇرعىسىندا بولدى.

ب.ناربەكوۆا الەۋمەتتىك كومەكتىڭ ۋاقىتشا مەملەكەت تاراپىنان بەرىلىپ وتىرعان كومەك ەكەنىن، وتباسى مۇشەسى جۇمىسقا جارامدى بولسا، ورتالىق ارقىلى جۇمىسقا ورنالاسۋىنا مۇمكىندىك بار ەكەنىن، كاسىپكەرلىكتى باستاۋشىلارعا ارنالعان ارنايى مەملەكەتتىك باعدارلامالاردىڭ تيىمدىلىگىن جەتكىزدى.