شىمكەنتتە شاعىن كاسىپكەرلىك سالاسى قارقىندى دامۋ ۇستىندە. سونىڭ ءبىرى «ماكسي لايف» كومپانياسى 2011 جىلدان بەرى ساۋدا-وندىرىستىك فيرما رەتىندە ءوز جۇمىسىن باستاعان. 2013 جىلى كومپانيانىڭ وندىرىستىك اۋقىمى كەڭەيىپ، قۇرىلىس شىعارۋ ءىسى مەن كونديتەرلىك سەحىن ىسكە قوستى.

قۇرىلىس ماتەريالدارى وندىرىسىندە گيپسوكارتون ءپروفيلى، مينەرالدى ساندىك سىلاق، سۇيىق تراۆەرتين جانە قۇرعاق قۇرىلىس قوسپالارى، شپاكليەۆكا، كافەلگە ارنالعان جەلىم دايىندالادى. ال كونديتەرلىك سەحتا ءدامدى توقاش پەن تورتتار پىسىرەدى.

2017 جىلى «ماكسي لايف» تىگىن سەحى دا ىسكە قوسىلدى. سەحتا قورعانىس قۇرالدارى، كومبينەزون، حالات، ماسكا، ارنايى كيىمنىڭ قاپتارىن تىگۋ جۇمىستارى جۇرگىزىلەدى. دايىن ونىمدەردى تەك رەسپۋبليكا اۋماعىندا ەمەس، تمد بويىنشا ەكسپورتتايدى. كومپانيا باسشىلىعى جاقىن جانە الىس شەتەلدەرمەن ىسكەرلىك بايلانىس ورناتقان.

ايتا كەتەيىك، «ماكسي لايف» سونىمەن قاتار جيھاز جاساۋ وندىرىسىندە جەمىستى ەڭبەك ەتۋدە. مۇندا ۇيگە جانە كەڭسەگە ارنالعان كورپۋستىق جيھازدار مەن جۇمساق جيھاز، سونداي-اق قاڭقاسىز جيھازدار جاسالادى.