ەستونيا، فرانسيا، يرلانديا، نورۆەگيا، اقش جانە ۇلىبريتانيا سياقتى بۇۇ-نىڭ 15 مۇشەسى جابىق وتىرىستا ميگرانتتار داعدارىسىن كوتەرىپ، رەسەيمەن جانجالداستى. بۇل تۋرالى گەرمانيانىڭ DW باسىلىمى حابارلادى.
ولار بەلارۋسكە كورشى ەلدەر مەن ەۋروپالىق وداقتىڭ سىرتقى شەكاراسىنىڭ تۇراقسىزدانۋى، ادام قۇقىقتارىنىڭ بۇزىلۋى ماسەلەلەرىنە نازار اۋداردى.
ولار بەلارۋس پوزيسياسىن "قابىلداۋعا كەلمەيدى" دەپ سيپاتتاپ، پرەزيدەنت الەكساندر لۋكاشەنكونى ايماقتىق تۇراقتىلىققا ءقاۋىپ ءتوندىردى دەپ ايىپتادى. بەلارۋستى جاۋاپقا تارتۋ ءۇشىن "كۇشتى حالىقارالىق رەاكسيانى" تالاپ ەتىپ، ەو "قابىلداي الاتىن شارالاردى تالقىلاۋعا" ۋادە بەردى.
ەو "بەلارۋس ەۋرووداقتىڭ سانكسيالارىنا جاۋاپ بەرۋ ءۇشىن پولشاعا جانە باسقا كورشى ەلدەرگە وتۋگە مىڭداعان ادامدى جىبەردى" دەپ سانايدى.
بەلارۋس داعدارىستىڭ اسكەري قاقتىعىسقا ۇلاسۋى مۇمكىن ەكەنىن ەسكەرتتى. ليتۆا، ەستونيا جانە لاتۆيا ەۋروپالىق قاۋىپسىزدىككە بەلارۋس ۇلكەن ءقاۋىپ توندىرەتىنىن ايتتى.
پىكىر قالدىرۋ