نۇر-سۇلتان قالاسىنىڭ باس سانيتار دارىگەرى سارقات بەيسەنوۆانىڭ جاڭا قاۋلىسى شىقتى. وعان ساي، 15 قاراشادان باستاپ ساۋدا جانە ويىن-ساۋىق ورتالىقتارىنا جۇمىس جانە دەمالىس كۇندەرى تەك "جاسىل" ستاتۋس بارلار عانا كىرە الادى.
"ساۋدا ويىن-ساۋىق ورتالىقتارى جۇمىس جانە دەمالىس كۇندەرى قىزمەتكەرلەر مەن كەلۋشىلەردىڭ "جاسىل" مارتەبەسى بولعان جاعدايدا (تولىق ۆاكسينا العان، 7 تاۋلىكتەن اسپايتىن تەرىس ناتيجەسى بار پتر تەست، تۇراقتى مەديسينالىق قارسى كورسەتىلىمى بار ادامدار، سوڭعى 3 اي ىشىندە اۋىرىپ جازىلعاندار) شتاتتىق جۇمىس كەستەسىنە ساي، كۇشەيتىلگەن سانيتاريالىق-ەپيدەمياعا قارسى كارانتين تالاپتارىن ساقتاي وتىرىپ قىزمەتىن جالعاستىرسىن" دەلىنگەن قاۋلىدا.
الايدا ولار شتاتتىق جۇمىس كەستەسىن بەلگىلەي وتىرىپ، كۇشەيتىلگەن سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ساقتاۋى ءتيىس ەكەنى ايتىلادى.
قاۋلى 15 قاراشادان باستاپ كۇشىنە ەنەدى.
پىكىر قالدىرۋ