اتىراۋدا جەكەمەنشىك ۇيدەگى گاز جارىلىسىنان قاتتى كۇيىپ قالعان 19 جاستاعى ەكى جاس جىگىت جانساقتاۋ بولىمىندە كوز جۇمدى. بۇل تۋرالى موي گورود باسىلىمى حابارلادى.

"وبلىستىق اۋرۋحانانىڭ جانساقتاۋ ءبولىمىنىڭ دارىگەرلەرى II جانە III دارەجەلى كۇيىكپەن تۇسكەن 19 جاستاعى ەكى جىگىتكە مەديسينالىق ەم-دوم شارالارىن جۇرگىزدى. الايدا كەشە، 14 قاراشادا دەنەسىنىڭ 85-90%-ىن كۇيىك شالعان 2002 جىلعى جىگىتتىڭ ءبىرى قايتىس بولدى. ال بۇگىن، 15 قاراشادا 90-95% كۇيىك العان ەكىنشى ناۋقاس – 19 جاستاعى جىگىت كوز جۇمدى" دەلىنگەن وبلىستىق دەنساۋلىق ساقتاۋ باسقارماسى تاراتقان اقپاراتتا.

ال 22 جاستاعى كەلىنشەك اۋرۋحانادا قاجەتتى ەم-دومدى الىپ جاتىر. ونىڭ دەنەسى 25-30 پايىزعا كۇيگەن.

ەسكە سالا كەتەيىك، 10 قاراشا كۇنى ساعات تۇنگى 01:24-تە اتىراۋ قالاسىنىڭ بالاۋسا شاعىن اۋدانىنداعى جەكە ۇيدە گاز جارىلىپ، سوڭى الاپات ورتكە ۇلاسقان. ءتىلسىز جاۋ 120 شارشى مەتردى شارپىعان. وقيعا ورنىنان 3 ادام اۋرۋحاناعا جەتكىزىلىپ، ەكەۋى بىردەن جانساقتاۋ بولىمىنە جاتقىزىلعان.