اباي اۋدانىنىڭ اكىمى ب.پارمانوۆ بيىل 9 ايدا اتقارىلعان جۇمىستار بويىنشا شىمكەنت قالاسىنىڭ اكىمىنە ەسەپ بەردى.

323 مىڭداي تۇرعىنى بار اباي اۋدانىندا اتقارىلعان ناتيجەلى جۇمىستار مەجەلەنگەن 7 ينديكاتور بويىنشا 100 پايىزدى كورسەتىپ وتىر. اتاپ ايتقاندا: ينۆەستيسيا، سانيتارلىق تازالىق، اشىق سپورت الاڭشالارىن سالۋ، ارىز-شاعىمداردى تومەندەتۋ، اۋلالاردى اباتتاندىرۋ، ءبىرىڭعاي ايكومەك ارقىلى تۇسەتىن شاعىمدار مەن وتىنىشتەردىڭ ورىندالۋى، سىبايلاس جەمقورلىق ارەكەتىنە جول بەرمەۋىن قامتاماسىز ەتۋ.

اۋدان اكىمى اۋدان اۋماعىندا شاعىن جانە ورتا كاسىپكەرلىك سالاسىنداعى ينۆەستيسيالىق جوبالارعا مونيتورينگ جۇمىستار جۇرگىزىلىپ، 60 جوبا انىقتالعانىن جەتكىزدى. ينۆەستيسيالىق جوبالاردىڭ قۇنى شامامەن 25 ملرد. تەڭگەنى قۇرايدى. ونىڭ ىشىندە توعىز ايدا 16 ملرد تەڭگەنى قۇرايتىن 30 جوبانى تىركەۋ جۇمىستارى جۇرگىزىلگەن. قالعان 9 ملرد. تەڭگەنى جىل سوڭىنا دەيىن تاپسىرۋ جوسپارلانۋدا.

سونداي-اق، شالعاي ورنالاسقان 10 ەلدىمەكەننىڭ وزەكتى ماسەلەسى سانالاتىن ينفراقۇرىلىم بۇگىندە شەشىمىن تاۋىپ كەلەدى. 2020-2021 جىلدار ارالىعىندا اۋىز سۋعا 9،9 ملرد، ەلەكتر جارىعىنا 3،4 ملرد، تابيعي گازعا 767 ملن. تەڭگە بولىنگەن.

وتكەن جىلدان بەرى قۇرىلىس جۇمىستارىنىڭ قارقىندى ءجۇرۋ ناتيجەسىندە 2022 جىلى اباي اۋدانىنداعى اۋىز سۋ، ەلەكتر جارىعى جانە تابيعي گاز جۇيەسى 100 پايىز شەشىمىن تاپپاق. قۇرىلىس جۇمىستارىنىڭ جۇزەگە اسىرىلۋى سالدارىنان ارىز شاعىمدار دا كۇرت ازايعان.

قالا اكىمى ءاربىر ەلدىمەكەن تۇرعىندارىمەن كەزدەسىپ، ولارعا اتقارىلاتىن جۇمىستار جونىندە بايانداپ ءتۇسىندىرىپ وتىرۋدى، قۇرىلىستار كەستەگە سايكەس ءوز مەرزىمىندە اياقتالۋىن قاتاڭ باقىلاۋدى تاپسىردى.