شىمكەنت قالاسىنىڭ اكىمى مۇرات ايتەنوۆ ءال-فارابي اۋدانىندا ورنالاسقان جاڭادان اشىلعان "بيزنەس ورتالىعىنا" باردى. وندا ينۆەستيسيالىق جوبالارمەن تانىسىپ، ناقتى تاپسىرمالار بەردى.
اۋداندا 21 مىڭداي شاعىن جانە ورتا كاسىپكەرلىك نىسانى تىركەلگەن. بۇگىندە ونىڭ 17 340-ى جۇمىس ىستەپ تۇر.
كاسىپكەرلەر تاراپىنان 2021-2025 جىلدارعا 354 جوبا جوسپارلانعان، تارتىلاتىن ينۆەستيسيا كولەمى شامامەن 101 ملرد تەڭگەنى قۇرادى. مەجەگە سايكەس وسى جىلعا جوسپارلانعان 96 جوبا جۇزەگە اسىپ، ينۆەستيسيا كولەمى 25 ملرد تەڭگەنى قۇراپ، 1500 جاڭا جۇمىس ورىندارى اشۋ قاراستىرىلعان.
ال 9 ايدا 74 جوبا نىسانىنىڭ قۇرىلىس جۇمىستارى اياقتالىپ، ينۆەستيسيا كولەمى 21 ملرد تەڭگەنى قۇرادى.
قالا اكىمى ءاربىر جوبامەن تانىسىپ، بيۋروكراتيالىق راسىمدەردى جەڭىلدەتۋدى، كاسىپكەرلەرگە مەملەكەت تاراپىنان كورسەتىلەتىن قولداۋ بويىنشا بارىنشا ءتۇسىندىرۋ جۇمىستارىن جۇرگىزۋدى ءتيىستى سالا باسشىلارىنا تاپسىردى.
پىكىر قالدىرۋ