شىمكەنت اكىمى م.ايتەنوۆ ءال-فارابي اۋدانىنىڭ قىس مەزگىلىنە كەرەكتى كۇش-قۇرالداردىڭ دايىندىعىن تەكسەردى.

اۋدانىندا 404 كوشە بار. ونىڭ ىشىندە 71 - باستى كوشەلەر، 333 كوشەسى ىشكى ورام كوشەلەرى.

بيىل قىس مەزگىلىندە كوشەلەردى تازارتۋ ءۇشىن 22 بىرلىك تەحنيكا، 8 بىرلىك تيەگىش (پوگرۋزچيك) تەحنيكاسى، 7 تراكتور، 16 بىرلىك ساموسۆال تەحنيكاسى، جۇمىسشىلاردى تاسىمالداۋ ءۇشىن 4 بىرلىك اۆتوبۋس تەحنيكاسى، 1 بىرلىك "اۆتوماستەرسكايا" تەحنيكاسى، جالپى 58 تەحنيكا 285 جۇمىسشى جۇمىلدىرىلعان. قوسىمشا قاجەتتىلىككە بايلانىستى «لتد تۇرمىس» ج ش س تاراپىنان 29 جالدامالى تەحنيكامەن كەلىسىمشارت جاسالعان.

اۋدان كوشەلەرىن تازارتۋ 4 باعىتقا بولىنگەن. ءار باعىت بويىنشا سحەماسى دايىندالىپ، كوشەلەردىڭ ۇزىندىعى بەلگىلەنگەن. قار جاۋعان ساتتەن باستاپ، كەزەكشى بريگادالار جۇمىسقا دايىن. جالپى اۋدان اۋماعىن 4 ساعات ىشىندە قاردان تۇگەل تازارتۋ مۇمكىندىگى بار.

سونىمەن قاتار، كوشەلەرگە سەبەتىن تايعاققا قارسى 7000 م3 قۇم،1100 توننا تۇز جانە كەرەكتى ينەرتتى زاتتاردىڭ كولەمى انىقتالعان. قازىرگى تاڭدا قويمادا 825 م3 ينەرتتى زات بار.

قالا اكىمى تاڭعى قىزۋ قوزعالىس باستالعانعا دەيىن كوشەلەردىڭ قاردان تازارتىلۋىن، تەحنيكالاردىڭ تەكسەرىستەرىن جانە توتەنشە جاعدايلار كەزىندە حابارلاسۋ كولل-ورتالىقتاردىڭ جۇمىسىن ءتيىمدى ۇيىمداستىرۋ جۇمىسىن اۋدان اكىمىنە تاپسىردى.