ءال-فارابي اۋدانى اكىمى راشيد مىڭبايەۆ قالا اكىمىنە 9 ايدا اۋداننىڭ اكونوميكالىق-الەۋمەتتىك دامۋى جونىندە باياندادى.

اۋدان قالانىڭ ورتالىعىندا ورنالاسقان. اۋماعىندا 672 كوپقاباتتى تۇرعىن ءۇي، 400 اۋلا، 15 170 جەكە ءۇي، 13 ساياباق، 18 گۇلزار، 17 ەسكەرتكىش جانە 11 سۋبۇرقاق بار.

ەسەپتى كەزەڭدە اۋدان اكىمى مەن ورىنباسارلارىنىڭ جەكە قابىلداۋىندا 317 ازامات بولعان. الەۋمەتتىك جەلىدەگى رەسمي پاراقشالار ارقىلى دا تۇرعىنداردىڭ تالاپ تىلەكتەرى مەن وتىنىشتەرىن نازارعا الۋ جۇمىسى تۇراقتى جۇرگىزىلۋدە. بۇگىنگە دەيىن جەلى ارقىلى 525 تۇرعىنداردىڭ وتىنىشتەرىنە ءتيىستى جاۋاپتارى بەرىلگەن.

اۋداننىڭ دامۋى بەلگىلەنگەن 7 باعىت نەگىزىندە جۇزەگە اسۋدا. ءبىرىنشى كەزەكتە اۋداننىڭ سانيتارلىق تازالىعىن قامتۋ ءۇشىن 7 سەكتورعا ءبولىنىپ، كەستەگە ساي جۇرگىزىلۋدە.

بۇقارالىق سپورتتى دامىتۋ ماقساتىندا 25 اۋلاعا سپورت الاڭشالارىن ورناتۋ جۇمىسى جۇرۋدە. ودان وزگە، دەمەۋشىلەر ەسەبىنەن 6 سپورت الاڭشاسى پايدالانۋعا بەرىلدى.

تۇرعىنداردان اۋدان اكىمدىگىنە 621 ءوتىنىش كەلىپ تۇسكەن. وتكەن جىلدىڭ وسى كەزەڭىمكن سالىستىرعاندا وتىنىشتەر مەن شاعىمدار 8 % عا ازايعان.

سىبايلاس جەمقورلىققا قارسى ستراتەگياسى اياسىندا اۋدان اپپارات قىزمەتكەرلەرىنە تۇسىندىرمە جۇمىسى تۇراقتى جۇرگىزىلەدى. اۋدان اكىمدىگى قىزمەتشىلەرى اراسىندا سىبايلاس جەمقورلىق فاكتىلەرى ورىن الماعان.

اۋدانعا بيىل 25 ملرد. تەڭگە ينۆەستيسيا تارتۋ كوزدەلگەن، 10 ايدىڭ قورىتىندىسى بويىنشا 21 ملرد. تەڭگە تارتىلدى.

وسى جىلعى جوسپارعا سايكەس اۋدان اۋماعىنداعى 27 كوپقاباتتى تۇرعىن ۇيلەردىڭ اۋلاسىندا اباتتاندىرۋ جانە بالالار ويىن الاڭشاسىن ورناتۋ جۇمىسى جوسپارعا ساي جۇرگىزىلۋدە.

IKOMEK ءبىرىڭعاي بايلانىس ورتالىعى ارقىلى تۇسەتىن اۋدان شارۋاشىلىعىنا قاتىستى شاعىمدار مەن وتىنىشتەر كۇندەلىكتى تالدانىپ، جەدەل جاۋاپ جولداۋ جۇمىسى جۇيەگە قويىلعان.