شىمكەنت قالاسىنىڭ اكىمى مۇرات ايتەنوۆتىڭ توراعالىعىمەن الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ بويىنشا كوميسسيا وتىرىسى ءوتتى. جيىندا ەڭبەك قاتىناستارى سالاسىنداعى اعىمداعى جاعداي، الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ بويىنشا كوميسسيانىڭ اتقارعان جۇمىستارى قورىتىندىلاندى.

بيىل ءۇشجاقتى كوميسسيانىڭ 15 وتىرىسى ءوتىپ، الەۋمەتتىك-ەڭبەك سالاسىنىڭ وزەكتى ماسەلەلەرى تالقىلاندى. ەڭبەك قاتىناستارىن رەتتەۋ بويىنشا جەكە تۇلعالاردىڭ 831 ارىز-شاعىمدارى مەن وتىنىشتەرى زاڭعا سايكەس قارالىپ، ءتيىستى جاۋاپتارى بەرىلدى.

مەملەكەتتىك ەڭبەك ينسپەكتورلارىمەن 172 تەكسەرۋ جۇرگىزىلىپ، 254 زاڭبۇزۋشىلىق انىقتالدى. تەكسەرۋ ناتيجەلەرىمەن 7،9 ملن تەڭگە كولەمىندە ايىپپۇل سالىنىپ، 5،8 ملن. تەڭگە ايىپپۇل وندىرىلگەن. سونىمەن قاتار، جىل باسىنان بەرى 56 كاسىپورىنداعى 2121 جۇمىسكەردىڭ 230،5 ملن تەڭگە كولەمىندەگى جالاقى قارىزدارى وتەلدى. 2021 جىلدىڭ 1 قازانداعى جاعداي بويىنشا تۇزىلگەن جانە جۇمىس ىستەپ تۇرعان ۇجىمدىق شارتتىڭ سانى 1505-كە جەتتى. قالا اكىمى م.ايتەنوۆ الەۋمەتتىك ارىپتەستەر بەلسەندى جۇمىس جۇرگىزۋى قاجەت ەكەنىن اتاپ ءوتتى.

– الەۋمەتتىك شيەلەنىستى تۋدىراتىن، جالاقى قارىزدارى، ەڭبەك زاڭناماسىنىڭ بۇزىلۋى سياقتى سۇراقتار ءبىزدىڭ كۇن تارتىبىمىزدەن تۇسپەيتىنى انىق. بىرلەسە قالا اۋماعىنداعى الەۋمەتتىك-ەكونوميكالىق ماسەلەلەردى شەشۋ بويىنشا كەشەندى جۇمىستار جۇرگىزۋىمىز قاجەت. قاۋىپسىزدىك تالاپتارىنا ساي ەڭبەك ەتۋ – بۇل ءاربىر تۇرعىنىمىزدىڭ كونستيتۋسيالىق قۇقىعى. سوندىقتان، ءبىرىنشى كەزەكتە كاسىپورىنداردا ەڭبەك قاۋىپسىزدىگىنىڭ ساقتالۋى، ەڭبەكتى قورعاۋ شارالارىنىڭ تيىمدىلىگىن ارتتىرۋ قاجەت، حالىقارالىق تاجىريبەلەرگە سۇيەنە وتىرىپ، ءتيىمدى ارەكەتتەردى قولدانۋ مۇمكىندىكتەرىن قاراستىرعان ءجون.
قالادا 112 كاسىپورىن ەڭبەك قاۋىپسىزدىگى جانە ەڭبەكتى قورعاۋ بويىنشا حالىقارالىق جانە ۇلتتىق ستاندارتتاردى ەنگىزگەن، 3 كاسىپورىننىڭ قىزمەتى دەكلاراسيالانىپ، «سەنىم سەرتيفيكاتى» بەرىلگەن. الەۋمەتتىك ارىپتەستەر وسى باعىتتا بەلسەندى جۇمىس جۇرگىزۋى ءتيىس. جالاقى قارىزدارىن بولدىرماۋ، وندىرىستەردەگى جاراقاتتانۋ دەڭگەيىن تومەندەتۋ – ءبىزدىڭ ەڭ باستى باسىمدىعىمىز. بارلىعىڭىزدى بەلسەندى ارەكەت ەتۋگە شاقىرامىن، – دەدى قالا اكىمى.

سونىمەن قاتار، كوميسسيا وتىرىسىندا مەملەكەتتىك ەڭبەك ينسپەكسياسى باسقارماسىنىڭ باسشىسى ب.قالجانوۆ، «شىمكەنت قالاسىنىڭ «كاسىپوداقتار ورتالىعى» اۋماقتىق كاسىپوداقتار بىرلەستىگى ءتوراعاسى ب.التەيەۆ اتقارىلعان جۇمىستار جونىندە بايانداما جاسادى.

كوميسسيانىڭ بۇگىنگى وتىرىسى «ەڭبەك كۇنى» مەرەكەسىنىڭ قارساڭىندا ۇيىمداستىرىلعاندىقتان «ەڭبەك جولى» جانە «پارىز» كونكۋرستارىنىڭ نوميناسيالارى بويىنشا وڭىرلىك دەڭگەيدەگى جەڭىمپازدارى ماراپاتتالدى.
سونداي-اق، جيىندا مەملەكەتتىك ەڭبەك ينسپەكسياسى باسقارماسىنىڭ ۇيىمداستىرۋىمەن ەڭبەك قاۋىپسىزدىك قۇرال-جابدىقتارى تانىستىرىلدى.