شىمكەنت قالاسىنىڭ اكىمى مۇرات ايتەنوۆ قاراتاۋ اۋدانىنىڭ قىس مەزگىلىنە دايىندىق جۇمىستارىن تەكسەردى.
اۋداندا باستى 90 كوشە مەن 992 ىشكى ورام كوشە، اياق جولدار جانە اۋلالاردى قاردان تازالاۋ جۇمىستارىن «جاسىل جەر» جانە «اقسەمسەر ستروي سەرۆيس» مەكەمەلەرى جۇرگىزەدى. 54 ارنايى تەحنيكا جانە 350 جۇمىسشى دايىندالدى. 7 مىڭ تەكشە مەتر قۇم، 2 مىڭ توننا تۇز ينەرتتى ماتەريالدار قاراستىرىلۋدا.
اكىم، ىشكى كوشەلەر مەن اياقجولدار تازالىعىن ءجىتى قاداعالاۋدى، قۇرال-جابدىقتار، شەتكى اۋماقتارداعى تازالىقشىلارعا جىلى كيىم مەن اس-سۋ جەتكىزىلۋىن قامتاماسىز ەتۋدى ايتىپ، جۇمىستار بارىسىندا جولدارعا زاقىم كەلمەۋىن قاداعالاۋ كەرەكتىگىن تاپسىردى.
پىكىر قالدىرۋ