شىمكەنتتە ەپيزوتياعا قارسى جۇمىستار قولعا الىنۋدا. قالالىق اۋىلشارۋاشىلىعى جانە ۆەتەريناريا باسقارماسىنىڭ دەرەگىنشە، جانۋارلار مەن ادامعا ورتاق اسا ءقاۋىپتى 29 ءتۇرلى اۋرۋعا قارسى دياگنوستيكالىق زەرتتەۋلەر مەن 14 ءتۇرلى جۇقپالى اۋرۋلارعا قارسى پروفيلاكتيكالىق ەگۋ جۇمىستارى جۇرگىزىلۋدە. بۇل ءىس شارالار ق ر اشم ۆەتەريناريالىق باقىلاۋ جانە قاداعالاۋ كوميتەتىمەن بەكىتىلگەن جوسپارعا سايكەس اتقارىلۋدا.

پروفيلاكتيكالىق ءىس-شارالار بويىنشا: قۇتىرۋعا ءىرى قارا مال – 75 باس، يت – 3 402 باس، اۋسىلعا ءىرى قارا مال – 5 930 باس، ۇساق مال – 6 825 باس، ءسىبىر جاراسى ءىرى قارا – 3 079 باس، لەپتەسپەروز ءىرى قارا مال – 225، ەحينوكوكوز ەتقورەكتىلەر – 12 700، وسپا ۇساق مال – 7 325، برودزوت ۇساق مال – 2 516 باس، قۇس تۇماۋى ءۇي قۇستارىنا – 8 674 باسقا ەكپە جۇمىستارى جۇرگىزىلگەن.

انىقتاما قان سىناماسىن الۋ (دياگنوستيكالىق) ءىس-شارالار بويىنشا: برۋسەللەز ءىرى قارا مال – 17 062 باس، ۇساق مال – 20 732، تۇيە – 19، شوشقا – 40، جىلقى - 11 باستان قان سىنامالارى الىنىپ وڭىرلىك ۆەتەريناريالىق زەرتحاناعا جىبەرىلدى.

سونداي-اق، بىردەيلەندىرۋ جۇمىستارى بويىنشا جۇمىستار جوسپارعا سايكەس اتقارىلعان. جىل باسىنان بەرى 22 277 باس ءىقم، 36 331 باس ۋاق مال، 128 باس شوشقا جانە 1 311 باس جىلقىلاردان الىنعان تولدەر بىردەيلەندىرىلدى.

ال، قاڭعىباس يت-مىسىقتاردى اۋلاپ جويۋ بويىنشا، تۇرعىندار تاراپىنان 67 ءوتىنىش تۇسكەن. وتىنىشكە سايكەس بەكىتىلگەن اۋلاۋ بريگادالارى 726 باس قاڭعىباس يت-مىسىقتاردى اۋلاپ، ەڭبەكشى اۋدانى ابدۋللا-اباد تۇرعىن الابىندا ورنالاسقان ۋاقىتشا ۇستاۋ ورتالىعىنا جەتكىزدى.