بۇگىن شىمكەنت قالاسى تۇرعىن ءۇي باسقارماسىنىڭ باسشىسى ازامات رىسجانوۆ @akimat_shymkent ينستاگرام پاراقشاسىندا تىكەلەي ەفيردە تۇرعىندارمەن جۇزدەسىپ، تۇرعىن ءۇي كەزەگى، ونىڭ جىلجۋى تۇرعىسىندا قويىلعان سۇراقتارعا جاۋاپ بەردى.

تۇرعىن ۇيگە مۇقتاج ازاماتتار كەزەگىندە تۇرعاندارعا مەملەكەتتىك تۇرعىن ءۇي قورىنان جالدامالى پاتەر بەلگىلەنگەن تارتىپپەن كەزەك رەتىمەن بەرىلەتىنىن جانە كەزەك رەتتىلىگى تولىعىمەن اۆتوماتتاندىرىلعانىن ايتتى.

- شىمكەنت قالاسى رەسپۋبليكا بويىنشا تۇرعىن ءۇي قۇرىلىسى قارقىندى ءجۇرىپ جاتقان ايماقتار قاتارىندا. بيىل 976 وتباسىنى ارەندالىق پاتەرمەن قامتۋ جوسپارلانعان. 300 پاتەر جىل باسىندا جۇمىس ىستەيتىن جاستارعا، 382 پاتەر كەزەك رەتىمەن بەرىلدى. جىل سوڭىنا دەيىن قالعان 294 وتباسى جالدامالى باسپاناعا قول جەتكىزەدى،- دەدى ا.رىسجانوۆ.

تۇرعىن ءۇي كەزەگىندەگىلەر ءۇشىن «شاڭىراق» باعدارلاماسىمەن 1728 پاتەرلى 27 كوپ قاباتتى تۇرعىن ءۇي كەزەڭ-كەزەڭىمەن بەرىلۋدە. بۇگىندە 17 ءۇيدىڭ ينفراقۇرىلىمدىق كوممۋنالدىق قىزمەتتەرى ىسكە قوسىلىپ پاتەر يەلەرىنە كىلتتەرى بەرىلدى.

باسقارما باسشىسى ەفير كەزىندە تۇرعىنداردان تۇسكەن وتىزدان اسا سۇراققا جاۋاپ بەردى.