شىمكەنت قالاسى ءال-فارابي اۋدانىنىڭ اكىمى ر.مىڭبايەۆ «وڭتۇستىك» تەلەارناسىندا وتكەن تىكەلەي ەفيردە اتقارىلعان جۇمىستاردى قورىتىندىلاپ، تۇرعىندار ساۋالىنا جاۋاپ بەردى.

اۋدان اكىمى 2021 جىلدىڭ 9 ايىندا جۇزەگە اسقان جۇمىستار - ينفراقۇرىلىم، الەۋمەتتىك سالانىڭ دامۋى، اباتتاندىرۋ، ينۆەستيسيا تارتۋ، جولدار قۇرىلىسى، سپورت الاڭشالارى، جالپى 7 ينديكاتور بويىنشا نەگىزگى تاپسىرمالاردىڭ ورىندالۋ بارىسىنا توقتالىپ ءوتتى.

سونداي-اق، اۋدان باسشىسى اپاتتى ۇيلەردىڭ ورنىنا جاڭا تۇرعىن ءۇي كەشەندەرىن سالۋ بويىنشا ءتيىستى كەلىسىمدەر جاسالعانىنان حاباردار ەتىپ، بۇل باعىتتا ينۆەستورلاردى شاقىردى.

جالپى ەفير بارىسىندا تۇرعىندار تاراپىنان جولداردى اسفالتتاۋ، كارىز جۇيەلەرىن ورناتۋ، كوپقاباتتى ۇيلەردە جىلۋعا دايىندىق ماسەلەلەرى، ايالدامالاردىڭ اتاۋلارىن جۇيەلەۋ قاجەتتىگى جونىندە ساۋالدار قويىلدى.

اۋدان اكىمى تۇرعىندار ساۋالىنا جاۋاپ بەرىپ، ءتيىستى شەشىمدەر قابىلداناتىنىن جەتكىزدى.

ايتا كەتسەك، اۋدان اۋماعىندا جىلۋ قابىلدايتىن 615 كوپقاباتتى تۇرعىن ءۇي تىركەلگەن. 2021-2022 جىلعى جىلۋ ماۋسىمىنا وراي، بارلىق كوپقاباتتى تۇرعىن ۇيلەر ورتالىقتاندىرىلعان جىلۋ جۇيەسىنە قوسىلدى.
جىلۋ بەرۋ ماۋسىمىنىڭ قالىپتى ءوتۋى كۇندەلىكتى باقىلاۋدا.