شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ە.جولداسوۆ قالا اكىمدىگىنىڭ «Instagram» پاراقشاسىندا تىكەلەي ەفيردە سۇحبات بەردى.

باسقارما باسشىسى اۆتوموبيل جولدارى جانە قوعامدىق كولىك سالاسىن دامىتۋ باعىتىنداعى اتقارىلىپ جاتقان جۇمىستاردان حاباردار ەتتى.

تۇرعىندار تاراپىنان الەۋمەتتىك جەلى ارقىلى 40-50-گە جۋىق ساۋال كەلىپ تۇسكەن. حالىقپەن كەرى بايلانىس ورناتۋ ماقساتىندا تىكەلەي ەفير بارىسىندا تۇرعىندار ساۋالىنا جاۋاپ بەرىلدى.

شىمكەنت قالاسىندا بۇگىنگى كۇنگە دەيىن 370 786 تولەم كارتاسى ساتىلىپ، 85 پايىزدان استام ترانزاكسيا ەلەكتروندى كارتا بويىنشا جاسالدى. 106100 وقۋشىلار كارتاسى، 30686 ستۋدەنتتىك كارتا، 234000 ستاندارتتى كارتا ساتىلعان.

قالادا جولاۋشىلار كولىگىن دامىتۋدىڭ كەشەندى سحەماسىنا سايكەس، قوعامدىق كولىكتەردى جاڭارتۋ باعدارلاماسى ىسكە اسىرىلۋدا. بۇگىندە اۆتوبۋس پاركى «Yutong» ماركالى 300 جاڭا، مەتان گازىمەن جۇرەتىن اۆتوبۋسپەن تولىققان. جىل سوڭىنا دەيىن تاعى 290 جاڭا اۆتوبۋس جولاۋشىلارعا قىزمەت كورسەتپەك.
جولاۋشىلار تاسىمالىندا 75 باعىت بولسا، ونىڭ 64 مارشرۋتى الەۋمەتتىك ماڭىزى بار ساناتقا جاتادى. قاراشا ايىنىڭ سوڭىنا دەيىن «SHYMKENT BUS» تاسىمالداۋشى كومپانياسى تاراپىنان 40 «Yutong» ماركالى اۆتوبۋس الەۋمەتتىك باعىتتا قىزمەت كورسەتەدى.

قالادا تۇرعىندارعا ساپالى ءارى تۇراقتى قىزمەت كورسەتۋدى جۇيەلەندىرۋ ماقساتىندا اۆتوبۋستاردى ونلاين رەجيمىندە كورۋگە ارنالعان «I-kolik» موبيلدىك قوسىمشاسى پايدالانۋعا بەرىلدى. قازىرگى ۋاقىتتا 82000 ادام اتالمىش باعدارلامانى قولدانۋدا. باعدارلاما قالا مارشرۋتتارىنىڭ gps ترەكەرلەر ارقىلى ورنالاسقان جەرىن كورسەتەدى.

سونداي-اق، 2021 جىلى قالادا جالپى 182 نىسان نەمەسە 312،1 شاقىرىم جولدار مەن كوشەلەر قۇرىلىس-جوندەۋ جۇمىستارىمەن قامتىلعان. 10 ايدىڭ قورىتىندىسى بويىنشا قۇرىلىس-مونتاج جۇمىستارى جۇرگىزىلگەن 107 نىسان، 161،4 شاقىرىم جول پايدالانۋعا بەرىلدى. 1 جەلتوقسانعا دەيىن 63 نىسان، 113،3 شاقىرىم جول پايدالانۋعا تاپسىرىلادى. 12 نىسان، 37،4 شاقىرىم جول قۇرىلىسى كەلەسى جىلعا وتپەلى.

بۇگىندە 189،3 شاقىرىم 158 ىشكى ورام كوشەلەردە ورتاشا جوندەۋ جۇمىستارى اتقارىلۋدا. قالادا 3 اۋدان بويىنشا كۇردەلى جوندەۋ جۇمىستارى اياقتالدى.

سونداي-اق، باسقارما باسشىسى «قيال الەمى» تەحنوپاركىنىڭ الدىنان الىنعان برۋسچاتكالار قالانىڭ باسقا اۋماقتارىنا قولدانىلىپ جاتقانىن اتاپ ءوتتى.