ارمەنيا قورعانىس مينيسترلىگى ازەربايجان اسكەرىن توۆۋز شەكارالىق اۋدانىنان وق جاۋدىردى دەپ ايىپتادى. باكۋ بولسا، ءوز پوزيسيالارىنا شابۋىل جاسادى دەپ، ەريەۆاندى كىنالاپ وتىر. بۇل تۋرالى ريا نوۆوستي اقپارات اگەنتتىگى حابارلادى.
– ءتۇرلى كاليبرلى قارۋمەن توۆۋز اۋدانىنىڭ مۋندجۋگلۋ، اگبۋلاگ، گوشا، كەحانابي اۋىلدارىندا ورنالاسقان بەكىنىستەرىمىز اتقىلاندى. الايدا سوققىمەن جاۋاپ بەرىپ، قارسىلاستىق. قاراشانىڭ 18-دە شەكاراداعى جاعداي تۇراقتالدى، – دەيدى ءازىربايجان قورعانىس مينيسترلىگى.
ەسكە سالايىق، 16 قاراشا كۇنى ارمەنيا مەن ازەربايجاننىڭ قارۋلى كۇشتەرى قاقتىعىسىپ، 8 ادام قازا تاپتى. سودان كەيىن كورشىلەس رەسپۋبليكالار رەسەيدىڭ قاتىسۋىمەن اتىستى دوعارۋعا ۋاعدالاسقان ەدى.
