شىمكەنتتە قازاقستان رەسپۋبليكاسى تاۋلەسىزدىگى 30 جىلدىعىنىڭ قارساڭىندا ا.اسقاروۆ اتىنداعى دەندرولوگيالىق ساياباقتا كەزەكتى سەنبىلىك ءوتتى.
وعان ساياباق جۇمىسشىلارىمەن بىرگە قالالىق جايلى ورتانى دامىتۋ باسقارماسىنىڭ ماماندارى، «جاسىل ەل» رەسپۋبليكالىق قوعامدىق بىرلەستىگىنىڭ شىمكەنت قالاسىنداعى ەڭبەك جاساقتارى، ءدىني بىرلەستىكتەر مەن بۇقارالىق اقپارات قۇرالدارىنىڭ قىزمەتكەرلەرى قاتىستى. تازالىق شاراسىنا قاتىسۋشىلار جاسىل ايماقتاردى، ارىق-اتىزدار مەن جاياۋ جۇرگىنشى جولدارىن كۇزگى جاپىراقتار مەن قوقىستان تازارتتى. سونداي-اق، ولار دەندروساياباق اۋماعىنا اعاش وتىرعىزدى.
ايتا كەتەيىك، شىمكەنت قالاسى اكىمدىگىنىڭ قالالىق جايلى ورتانى دامىتۋ باسقارماسى تۇرعىنداردى شاھار تازالىعىن ساقتاۋعا، كوپقاباتتى تۇرعىن ۇيلەردىڭ اۋلاسىن، ءۇي ماڭى مەن كوشە بويلارىن تازا ۇستاۋعا شاقىرادى.
پىكىر قالدىرۋ