ورتا سالماقتاعى قازاقستاندىق بوكسشى جانىبەك ءالىمحان ۇلى (11-0، 7 كو) لاس-ۆەگاستا وتكەن بوكس كەشىندە جەڭىسكە جەتتى، دەپ حابارلادى Vesti.kz سايتى.
جانىبەكتىڭ قارسىلاسى الەمنىڭ بۇرىنعى چەمپيونى فرانسيالىق حاسسان ن'دام ن'جيكام (38-6، 21 KO) بولدى. ون راۋندقا ەسەپتەلگەن ايقاس سەگىزىنشىسىندە اياقتالدى. الدىمەن جانىبەك ءۇشىنشى راۋندتا فرانسيالىقتى نوكداۋنعا ءتۇسىردى، ال سەگىزىنشى راۋندتا تورەشى جەكپە-جەكتى توقتاتتى. وسىلايشا قازاق بوكسشى تەحنيكالىق نوكاۋتپەن جەڭىسكە جەتتى.
بۇل كەزدەسۋدە ورتا سالماقتا ەكىنشى دارەجەلى WBO Global تيتۋلى ساراپقا سالىندى.
پىكىر قالدىرۋ