12 قاراشا كۇنى ىستامبۇلدا وتكەن تۇركى كەڭەسىنىڭ سامميتىنەن كەيىن تۇركياداعى ۇلتشىل قوزعالىس پارتياسىنىڭ كوشباسشىسى تۋران باحچەلينىڭ پرەزيدەنت رەجەپ ەردوعانعا سىيلاعان تۇركى الەمىنىڭ كارتاسى رەسەي باسپاسوزىندە قىزۋ تالقىلانىپ جاتىر. بۇل تۋرالى Gercekgundem اقپارات اگەنتتىگى حابارلادى.

ريا نوۆوستي حابارلاعانداي، تۋران باحچەلي ەردوعانعا سىيعا تارتقان كارتادا رەسەيدىڭ وڭتۇستىگى مەن شىعىس ءسىبىر وڭىرلەرى تۇركى الەمىنە قوسىلعانى اتاپ وتىلگەن. سونداي-اق كارتادا بالقان، ازەربايجان، قازاقستان، قىرعىزستان، وزبەكستان، قىتايدىڭ شىڭجاڭ-ۇيعىر اۆتونوميالىق وكرۋگى، سونداي-اق موڭعوليا مەن يراننىڭ كەيبىر اۋداندارى دا بار.

كارتا 12 قاراشا كۇنى ىستامبۇلدا وتكەن تۇركى تىلدەس ەلدەر ىنتىماقتاستىعى كەڭەسى وتىرىسىنىڭ قورىتىندىسى بويىنشا ەردوعانعا سىيعا تارتىلدى.

وتىرىستا كەڭەس اتاۋى "تۇركى مەملەكەتتەرى ۇيىمى" دەپ وزگەرتىلىپ 2040 جىلعا دەيىنگى كەزەڭگە ارنالعان "تۇركى الەمىنىڭ بولاشاعى – 2040" قۇجاتىن قابىلداۋ تۋرالى شەشىمگە قول قويىلدى.

تۇركى كەڭەسىنە ازەربايجان، قازاقستان، قىرعىزستان، تۇركيا جانە وزبەكستان، ال باقىلاۋشى رەتىندە تۇرىكمەنستان مەن ۆەنگريا قاتىسقان.