وتكەن تاۋلىكتە پتر تەست ارقىلى 946 ادامنان كوروناۆيرۋس، 141 ادامنان پنيەۆمونيا انىقتالعان. 23 قاراشادا 19 ادام پنيەۆمونيادان كوز جۇمعان.
دەنساۋلىق ساقتاۋ مينيسترلىگىنىڭ مالىمەتىنشە، 25 قاراشاداعى جاعداي بويىنشا، 28 106 ادام كوروناۆيرۋس پەن پنيەۆمونيادان ەمدەلىپ جاتىر. ولاردىڭ ىشىندە 5 879 پاسيەنت ستاسيوناردا، 22 227 ناۋقاس امبۋلاتوريالىق دەڭگەيدە ەم قابىلداۋدا.
ىندەتكە شالدىققانداردىڭ اراسىندا 444 ادامنىڭ جاعدايى اۋىر، 117 پاسيەنتتىڭ جاعدايى وتە اۋىر، 76 ناۋقاس ءوجج اپپاراتىندا جاتىر.
25 قاراشاداعى مالىمەتكە ساي، قازاقستاندا 8 667 674 ادام كوروناۆيرۋسقا قارسى ۆاكسينانىڭ I كومپونەنتىن، 8 008 545 ادام II كومپونەنتىن سالدىرعان.
قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، پاۆلودار، سولتۇستىك قازاقستان وبلىستارى "قىزىل" ايماقتا، نۇر-سۇلتان قالاسى، اقمولا، قاراعاندى، قوستاناي وبلىستارى "سارى" ايماقتا، الماتى، شىمكەنت قالالارى، اتىراۋ، اقتوبە، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى "جاسىل" ايماقتا.
پىكىر قالدىرۋ