شىمكەنت قالاسىنىڭ اكىمى مۇرات ايتەنوۆتىڭ تاپسىرماسىنا سايكەس، اۋەجايدىڭ جاڭا جولاۋشىلار تەرمينالىنىڭ قۇرىلىس جۇمىستارى جۇرگىزىلۋدە. بۇگىنگى تاڭدا جوبانىڭ ءبىرىنشى كەزەڭى تولىعىمەن 100 پايىزعا ورىندالدى.

ال جوبانىڭ ەكىنشى كەزەڭى بويىنشا قۇرىلىس جۇمىستارى قارقىن العان. قاسبەتتىك جۇيەلەردى مونتاجداۋ جۇمىستارى اياقتالدى. قازىرگى تاڭدا، جولاۋشىلار تەرمينالى قۇرىلىسىنىڭ 80 % جۇمىستارى ورىندالدى.

شىمكەنت قالاسى اكىمىنىڭ ورىنباسارى ماقسۇت يساحوۆ اۋەجايدىڭ جاڭا جولاۋشىلار تەرمينالىنىڭ قۇرىلىس جۇمىستارىمەن تانىستى. ودان بولەك ماقسۇت پەرنەباي ۇلى اۋەجاي اۋماعىن اباتتاندىرۋعا ارنالعان جوبالاردىڭ جۇزەگە اسىرىلۋ بارىسىن ارالاپ كوردى.

وتكەن جىلى قالا اكىمدىگىمەن 912 ملن تەڭگەگە اۋەجاي الدىنداعى الاڭداعى اۆتوتۇراقتى اباتتاندىرۋ بويىنشا جۇمىستار جۇرگىزىلىپ، اياقتالعان بولاتىن. ال جوبالىق قۇنى 1،7 ملرد تەڭگە قۇرايتىن جاڭا كىرمە جولدى سالۋ بويىنشا جۇمىستار دا اياقتالىپ وتىر.