قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ەلىمىزدەگى ساۋدا ورتالىقتارىنىڭ يەلەرى مەن بارشا كاسىپكەر ازاماتتاردى كوپشىلىك ورىندارىندا جازىلعان «قارا جۇما» ءسوزىن «جومارت جۇما» دەپ وزگەرتۋگە شاقىردى.
«كەيىنگى جىلدارى جۇرتتى جاپپاي ساۋداعا تارتۋدىڭ ءادىسى رەتىندە قولدانىلىپ جۇرگەن «قارا جۇما» ءسوزى قوعامدا تالقىعا تۇسۋدە. ءدىنىمىز بەن داستۇرىمىزدە بار «جۇما» ءسوزى قاسيەتتى، قاستەرلى ۇعىمدى بىلدىرەدى. مەن وسى رەتتە ەلىمىزدەگى ساۋدا ورتالىقتارىنىڭ يەلەرى مەن بارشا كاسىپكەر ازاماتتاردى «قارا جۇما» ءسوزىن «جومارت جۇما» دەپ وزگەرتۋگە شاقىرامىن»،- دەپ جازدى باس ءمۇفتي ءوز پاراقشاسىندا.
قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعان ۇلى «جومارت جۇما» – جۇرەككە جىلى تيەتىن، حالقىمىزدىڭ ۇعىمىنا دا ساي كەلەتىن ءسوز ەكەنىن، يسلام ءدىنىن ۇستاناتىن حالقىمىزعا كورسەتىلگەن قۇرمەت بولاتىنىن، كاسىپكەر ازاماتتار ىزگى نيەت ناتيجەسىندە «جومارت جۇما» اكسياسى اياسىندا قانشاما جاننىڭ العىسىنا بولەنەتىنىن تىلگە تيەك ەتتى.
پىكىر قالدىرۋ