ح ازاماتتىق فورۋمنىڭ جۇمىسى بۇگىن دە جالعاسۋدا. ءۇشىنشى كۇن «ازاماتتىق قوعام جانە «رۋحاني جاڭعىرۋ» تالقىلاۋ الاڭىنان باستالدى.
ونى ۇيىمداستىرعان قازاقستاننىڭ «ازاماتتىق اليانسى»، شىمكەنت قالاسىنىڭ «ازاماتتىق اليانس» قاۋىمداستىعى مەن «رۋحاني جاڭعىرۋ» وڭىرلىك جوبالىق كەڭسەسى. رەسپۋبليكانىڭ بارلىق وڭىرلەرىنەن قاتىسۋشىلاردى قامتىعان پىكىرلەسۋ ساعاتىن قازاقستان رەسپۋبليكاسى پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتىنىڭ الەۋمەتتىك-ساياسي زەرتتەۋلەر ءبولىمىنىڭ مەڭگەرۋشىسى ينديرا رىستينا جۇرگىزدى. نەگىزگى سپيكەرلەر قازاقستان رەسپۋبليكاسى پارلامەنتى ءماجىلىسىنىڭ دەپۋتاتى دارحان مىڭباي، «Atamnyn Amanaty» ۇەۇ وكىلى ءاليا ساعىمبايەۆا، رەسپۋبليكانىڭ اقپارات جانە الەۋمەتتىك دامۋ مينيسترلىگىنىڭ «رۋحاني جاڭعىرۋ» باعدارلاماسىن ىسكە اسىرۋدى ۇيلەستىرۋ دەپارتامەنتىنىڭ ديرەكتورى ۇلىقبەك سەرىك ۇلى تنالييەۆ، شىمكەنت ق. «رۋحاني جاڭعىرۋ» وڭىرلىك جوبالىق كەڭسەسىنىڭ مەڭگەرۋشىسى زاۋرە ورالبايەۆا. سونداي-اق، فورۋم سەكسياسىنا ونلاين فورماتىندا ۇەۇ، قوعام قايراتكەرلەرى، ازاماتتىق بەلسەندىلەر، وڭىرلەردىڭ «رۋحاني جاڭعىرۋ» جوبالىق كەڭسەلەرىنىڭ باسشىلارى مەن قىزمەتكەرلەرى قاتىستى.
پىكىرتالاس الاڭىندا ق ر پارلامەنت ءماجىلىسىنىڭ دەپۋتاتى دارحان مىڭباي ەلباسىنىڭ كۇنى كەشە «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىندا جاريالانعان جاڭا داۋىردەگى قازاقستاندىقتارعا باعدار بولاتىن «ەلدىكتىڭ جەتى تۇعىرى» قاعيداتتار جيىنتىعىنا توقتالدى.
«ەلدىكتىڭ جەتى تۇعىرى «رۋحاني جاڭعىرۋ» باعدارلاماسىنىڭ لوگيكالىق جالعاسى. مىسالى، بەسىنشى تۇعىرعا توقتالساق، ەلباسى «ۇلتتىق مادەنيەت – حالىقتىڭ رۋحاني تىرەگى. وركەنيەتتى وتىز ەلدىڭ قاتارىنا قوسىلۋدا ماتەريالدىق قۇندىلىقتارمەن قاتار، رۋحاني بايلىقتىڭ ماڭىزى زور. سول ءۇشىن مادەنيەتىمىزدى زەردەلەپ، وزگە جۇرتقا ناسيحاتتاي بىلگەن ابزال. باسقا حالىقتاردى تەك ونەر قۇدىرەتىمەن، عىلىمي ىزدەنىسپەن عانا مويىنداتا الامىز» دەدى. «رۋحاني جاڭعىرۋ» باعدارلاماسى ىسكە اسىپ جاتقان ۋاقىتتا 11 مىڭنان استام تاريحي-مادەني ماڭىزى بار جەرلەر ناقتىلانىپ، 250 رەسپۋبليكالىق، 10 نىسان يۋنەسكو-نىڭ بۇكىلالەمدىك مۇراسىنا ەنىپ وتىر. دەمەۋشى، مەسەناتتار كيەلى جەرلەرىمىزدى رەتكە كەلتىرۋگە اتسالىسىپ كەلەدى. «رۋحاني جاڭعىرۋ» ساياسي، الەۋمەتتىك، ەكونوميكالىق - بارلىق سالانى قامتيتىن، رۋحاني تىرەگىمىزگە اينالعان باعدارلاما. بارلىق قۇرىلىمداردى بىرىكتىرەدى»، -دەدى دارحان مىڭباي.
سونداي اق، فورۋمدا ق ر اقدم رۋحاني جاڭعىرۋ باعدارلاماسىن ۇيلەستىرۋ دەپارتامەنتىنىڭ ديرەكتورى ۇلىقبەك تنالييەۆ «ۇلتتىق رۋحاني جاڭعىرۋ» ۇلتتىق جوباسىنىڭ نەگىزگى باعىتتارى مەن مىندەتتەرىن تانىستىردى. جانە ۇلتتىق جوبانى ءتيىستى دەڭگەيدە جۇزەگە اسىرۋ ءۇشىن ۇكىمەتتىك ەمەس ۇيىمدار، ازاماتتىق قاۋىمداستىقتاردىڭ وڭىرلىك جوبالىق كەڭسەلەرىمەن بىرلەسىپ جۇمىس ىستەۋدىڭ ماڭىزىنا توقتالدى.
ق ر اقدم رۋحاني جاڭعىرۋ باعدارلاماسىن ۇيلەستىرۋ دەپارتامەنتىنىڭ ديرەكتورى ۇلىقبەك تنالييەۆ: «ۇكىمەتتىك ەمەس ۇيىمدارمەن بىرلەسكەن جوبالار قاشان دا ۇتىمدى. «رۋحاني جاڭعىرۋداعى 5 جىلدا جەتىستىكتەر جەتەرلىك. ەندىگى باستاما «رۋحاني جاڭعىرۋ» قۇندىلىقتارىن ودان ارى ىلگەرىلەتۋدى كوزدەيدى. ياعني، جوبانىڭ نەگىزگى ماقساتى – ۇلتتىق كودتى ساقتاپ، مادەني بىرەگەيلىكتى جاڭعىرتۋ، ۇلتتىق قۇندىلىقتار مەن سالت ءداستۇردى ناسيحاتتاۋ ارقىلى- قوعامنىڭ مادەني دەنگەيىن، تالعامىن جانە رۋحىن كوتەرۋ».
پىكىرتالاس الاڭىندا وڭىرلىك جوبالىق كەڭسەلەر مەن ازاماتتىق قوعامداستىقتىڭ بايلانىسى، قازىرگى اتقارىلىپ جاتقان جۇمىستار جايلى شىمكەنت قالالىق «رۋحاني جاڭعىرۋ» جوبالىق كەڭسەسىنىڭ باسشىسى زاۋرە ورالبايەۆا توقتالدى.
«رۋحاني جاڭعىرۋ» باعدارلاماسىن جۇيەلەۋ ، ونى ىسكە اسىرۋدىڭ 3 باعىتى بەكىتىلگەن. سونىڭ ءبىرى - ءۇشىنشى باعىت – «مەملەكەتتىڭ، ازاماتتىق قوعامنىڭ جانە جەرگىلىكتى قوعامداستىقتاردىڭ دامۋى». ريەۆوليۋسيالىق ەمەس، ەۆوليۋسيالىق دامۋ. ءىس-شارالاردىڭ 35 پايىزعا جۋىعى قوعامدىق بىرلەستىكتەرمەن، ياعني ۇەۇ-مەن بىرلەسە اتقارىلاتىن جوبالار. وڭىرلىك جوبالىق كەڭسەسىنىڭ ساراپشىلىق كەڭەسىنىڭ قۇرامىندا دا جەرگىلىكتى ۇەۇ-نىڭ جەتەكشىلەرى بار»،-دەدى زاۋرە ابدۋحاميت قىزى.
ح ازاماتتىق فورۋم 26 قاراشا كۇنى قورىتىندىلانادى.
