شىمكەنتتە جالدامالى پاتەرلەردىڭ بىرىنەن 23 جاستاعى قىزدىڭ ءمايىتى تابىلدى. بۇل تۋرالى استانا تەلەارناسى حابارلادى.
جالدامالى پاتەر يەسىنىڭ سوزىنشە، 23 جاستاعى بويجەتكەن پاتەردى 3 كۇنگە جالعا العان. ەكى كۇن بايلانىستا بولعان ول ءۇشىنشى كۇنى مۇلدەم حابارسىز كەتكەن.
پوليسيانىڭ مالىمەتىنشە پاتەر يەسى قىزدى ىزدەپ، ۇيگە كىرگەندە ءمايىتتى كورگەن. ءمايىت ىشتە ءبىر تاۋلىكتەي جاتقانى بەلگىلى بولدى.
– كۇدىكتى ازاماتشا ۇستالىپ، ۋاقىتشا ۇستاۋ يزولياتورىنا قامالدى. ول 1990 جىلى تۋعان تۇركىستان وبلىسىنىڭ تۇرعىنى بولىپ شىقتى. قازىرگى ۋاقىتتا ءىس بويىنشا ءتيىستى ساراپتامالار تاعايىندالدى. سوتقا دەيىنگى تەرگەپ-تەكسەرۋ امالدارى جۇرگىزىلۋدە، – دەدى شىمكەنت قالالىق پوليسيا دەپارتامەنتى ىشكى جانە سىرتقى كوممۋنيكاسيالار باسقارماسىنىڭ باستىعى ءمولدىر بەكەيەۆا.
پىكىر قالدىرۋ