شىمكەنت قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ ۇيىتقى بولۋىمەن شىمكەنت قالاسىنان جۇمىس كۇشى تاپشى سقو، شقو، پاۆلودار، قوستاناي وبلىستارىنا قونىس اۋدارۋ ماسەلەسى بويىنشا دوڭگەلەك ۇستەل ءوتتى.
جيىنعا شىمكەنت قالالىق ءماسليحاتىنىڭ دەپۋتاتتارى، كاسىپكەرلەر، قالا تۇرعىندارى جانە Zoom ارقىلى جۇمىس كۇشى تاپشى وبلىستاردىڭ جۇمىسپەن قامتۋ باسقارمالارى مەن اۋداندارىنىڭ جۇمىسپەن قامتۋ بولىمدەرىنىڭ جەتەكشىلەرى مەن قاتىستى.
سقو، شقو، پاۆلودار، قوستاناي وبلىستارىنىڭ جاۋاپتى ماماندارى قاي وڭىردە قانداي مامان يەلەرى تاپشى ەكەنىن ەگجەي-تەگجەيلى ءتۇسىندىردى. جيىندا ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا ەڭبەك كۇشى ارتىق وڭىردەن سولتۇستىككە ەرىكتى قونىس اۋدارۋ تيىمدىلىگى تۋرالى ايتىلدى. اتالعان باعدارلامانىڭ ماقساتى – وڭتۇستىكتەن قونىس اۋدارۋشىلاردى جۇمىسپەن قامتۋ.
مامانداردىڭ ايتۋىنشا، قازىرگى تاڭدا سولتۇستىك وڭىردە بىلىكتى دارىگەرلەر مەن مۇعالىمدەر، تەحنيكالىق ماماندىق يەلەرى سۇرانىسقا يە. جۇمىسپەن قامتۋ باسقارماسى جۇرگىزگەن ۇگىت-ناسيحات جانە تۇسىندىرمە جۇمىستارىنىڭ ارقاسىندا بيىل سولتۇستىككە قونىس اۋدارۋعا شىمكەنت قالاسى تۇرعىندارىنىڭ قىزىعۋشىلىعى ايتارلىقتاي ارتىپ وتىرعانى بايقالادى.
ەستەرىڭىزگە سالا كەتسەك، جۇمىس كۇشى كوپ وڭىرلەردەن جۇمىس كۇشى تاپشى وڭىرلەرگە قونىس اۋدارۋ – مەملەكەت جۇرگىزىپ وتىرعان ەڭ ۇتىمدى باعدارلامالاردىڭ ءبىرى. 2016-2019 جىلدارى ارالىعىندا سولتۇستىك وڭىرگە جالپى 854 وتباسى (2645 ادام) كوشكەن. ال، جىل باسىنان باسىنان بەرى 52 وتباسى (227 ادام) باعدارلاما اياسىندا قونىس اۋدارعان.
پىكىر قالدىرۋ