قازگيدرومەت اۋا رايىنىڭ قولايسىزدىعىنا بايلانىستى قازاقستاننىڭ 11 وڭىرىندە ەسكەرتۋ جاريالادى.

اقمولا وبلىسىنىڭ سولتۇستىك-باتىسىندا بۇرقاسىن كۇتىلەدى. وڭتۇستىك-باتىستان جەل سوعادى، كۇشى وبلىستىڭ سولتۇستىگىندە، شىعىسىندا سەكۋندىنا 15-20 مەتر بولادى دەپ كۇتىلەدى. كوكشەتاۋدا وڭتۇستىك-باتىستان جەل سوعادى، ەكپىنى سەكۋندىنا 15-20 مەتر بولادى.

تۇندە جانە تاڭەرتەڭ 27 قاراشادا اقتوبە وبلىسىنىڭ ورتالىعىندا تۇمان بولۋى مۇمكىن.

الماتى وبلىسىنىڭ سولتۇستىگىندە جانە شىعىسىندا جەل سولتۇستىك-باتىستان سوعادى، كۇشى سەكۋندىنا 15-20 مەتر بولۋى ىقتيمال. وبلىستىڭ سولتۇستىگىندە تۇمان كۇتىلەدى. 

جامبىل وبلىسىنىڭ سولتۇستىگىندە جانە تاۋلى، تاۋ بوكتەرلى اۋداندارىندا تۇمان، كوكتايعاق بولۋى مۇمكىن. وڭتۇستىك-باتىستان سوعاتىن جەل سولتۇستىك-شىعىس جەلىنە اۋىسادى، وبلىستىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا سەكۋندىنا 15-20 مەتر بولاتىن جەل تۇرادى.

باتىس قازاقستان وبلىسىنىڭ باتىسىندا، سولتۇستىك-باتىسىندا تۇمان بولۋى مۇمكىن.

قاراعاندى وبلىسىنىڭ شىعىسى مەن سولتۇستىگىندە بۇرقاسىن، كوكتايعاق كۇتىلەدى.

قوستاناي وبلىسىنىڭ سولتۇستىك-شىعىسىندا بۇرقاسىن ىقتيمال. وڭتۇستىك-باتىستان جەل سوعادى، كۇشى وبلىستىڭ سولتۇستىك-شىعىسىندا سەكۋندىنا 15-20 مەتر بولادى. 

قىزىلوردا وبلىسىنىڭ ورتالىعىندا، 27-28 قاراشادا وبلىستىڭ سولتۇستىگىندە تۇمان كۇتىلەدى.

پاۆلودار وبلىسىنىڭ سولتۇستىگىندە بۇرقاسىن كۇتىلەدى. وڭتۇستىك-باتىستان جەل سوعادى، كۇندىز وبلىستىڭ باتىسىندا، سولتۇستىگىندە سەكۋندىنا 15-20 مەتر بولادى.

سولتۇستىك قازاقستان وبلىسىنىڭ سولتۇستىك-شىعىسىندا بۇرقاسىن كۇتىلەدى. وڭتۇستىك-باتىستان جەل سوعادى، كۇشى سەكۋندىنا 15-20 مەتر بولادى، كۇندىز وبلىستىڭ سولتۇستىك-شىعىسىندا، وڭتۇستىگىندە ەكپىنى سەكۋندىنا 23-28 مەتر بولاتىن جەل تۇرادى.

27 قاراشادا تۇندە جانە تاڭەرتەڭ تۇركىستان وبلىسىنىڭ تاۋلى، تاۋ بوكتەرلى اۋداندارىندا تۇمان ساقتالادى. شىعىستان جەل سوعادى، 27 قاراشادا كۇندىز تاۋلى اۋداندارىندا كۇشى سەكۋندىنا 15-20 مەتر بولادى.