شىمكەنت قالاسى بويىنشا 47077 ازامات ءۇي كەزەگىندە تۇر. بيىل ونىڭ از قامتىلعان 237ء-سى باسپاناعا قول جەتكىزدى. سونداي-اق، 682 ازامات ارەندالىق باسپانامەن قامتىلدى. ال نەسيەلىك نەگىزدە باسپانامەن قامتۋ ءۇشىن ءتۇرلى مەملەكەتتىك باعدارلامالار بار. سونىڭ ارقاسىندا بيىل 1285 ازامات قونىس تويىن تويلاسا، 233 وتباسىعا جەرگىلىكتى بيۋدجەت ەسەبىنەن العاشقى جارناسىن تولەۋگە كومەك بەرىلدى. وسىلايشا، وڭىردەگى باسپانا ماسەلەسىن كەزەڭ-كەزەڭمەن شەشىپ جاتىرمىز دەيدى، – جاۋاپتىلار.

جۇلدىزاي وردابەكوۆا، شىمكەنت قالاسى تۇرعىن ءۇي باسقارما باسشىسىنىڭ مىندەتىن اتقارۋشى:

«جالپى شىمكەنت قالاسى بويىنشا بۇگىنگى تاڭدا تۇرعىن ءۇي الۋ ءتىزىمى نەگىزىندە 6 بولىك تىزىممەن جۇرگىزىلۋى كەرەك، الايدا بىزدە ۇلى وتان سوعىسىنىڭ ارداگەرى تولىعىمەن قامتىلعاندىقتان، 5 تىزىممەن جۇرگىزىلىپ جاتىر. بۇگىنگى تاڭدا تۇرعىن ءۇي الۋ تىزىمدە 47077 ازامات تىركەلگەن. بۇل كورسەتكىش جىل باسىمەن سالىستىرعاندا ول كەزدە 42 مىڭ بولاتىن 5 مىڭ ادامعا ارتىپ وتىر. ونىڭ ىشىندە جەتىم جانە اتا-اناسىنىڭ قامقورلىعىنسىز قالعان بالالار 1787 ازاماتتى قۇرايدى. كوپ بالالى وتباسىلار 8895 ازاماتتى، حالىقتىڭ الەۋمەتتىك جاعىنان ءالسىز توبى 16157 ازاماتتى، مەملەكەتتىك قىزمەتشىلەر 20211 ازاماتتى قۇرايدى.»

بۇعان دەيىنگى پايدالانۋداعى تۇرعىن ۇيلەرگە جوندەۋ جۇمىستارىن جۇرگىزۋ دە نازار تىس قالماعان. 11 كوپقاباتتى ءۇي باستان-اياق جوندەلسە، 25ء-سىن رەتكە كەلتىرۋ باستالىپ كەتكەن. ال مۇلدەم جوندەۋگە كەلمەيتىن 107 تۇرعىن ءۇي انىقتالعان. بۇل رەتتە ولاردى بۇزۋ جانە تۇرعىنداردى كوشىرۋ جۇمىستارى جۇرگىزىلۋدە. ولار باسپاناسىز قالمايدى ەكەن.

جۇلدىزاي وردابەكوۆا، شىمكەنت قالاسى تۇرعىن ءۇي باسقارما باسشىسىنىڭ مىندەتىن اتقارۋشى:

«بۇگىنگى تاڭدا تۇرعىن ۇيمەن قامتاماسىز ەتۋدىڭ بىرنەشە جولدارى بار. ولار ارەندالىق تۇرعىن ءۇي جانە نەسيەلىك تۇرعىن ءۇي. كەزەك رەتىمەن قامتاماسىز ەتىلەمىن دەگەن ازاماتتار تولەم قابىلەتتىلىگى تومەن ازاماتتار، وزدەرىنىڭ ساتىپ قۇقىعىنسىز جالدامالى پاتەرىن كۇتۋگە مۇمكىندىكتەرى بار. ال نەسيەلىك نەگىزدە نيەت بىلدىرەتىن ازاماتتار ولارعا 2 پايىزدىق 2-10-20 باعدارلاماسى – باقىتتى وتباسى، 5-10-20 باعدارلاماسى – شاڭىراق باعدارلاماسى جانە 5-20-25، 7-20-25 باعدارلاماسى قاراستىرىلعان».

وسىلايشا، ەلىمىزدىڭ ءۇشىنشى مەگوپوليسىندەگى باسپانا ماسەلەسى ءوز شەشىمىن تابۋدا. جاڭا پاتەردىڭ كىلتىنە قول جەتكىزگەندەردىڭ قاتارى دا ارتىپ كەلەدى. قازاقستاندىق نارىقتا يپوتەكالىق باعدارلامالار دا كوبەيگەن. وسى نەگىزدە ەلىمىزدە 10-نان اسا باعدارلاما تۇرعىندار يگىلىگى ءۇشىن قىزمەت كورسەتۋدە.