"سولتۇستىك كورەيا قورعانىس، اۋىل شارۋاشىلىعى جانە قۇرىلىس سالالارىندا العا جىلجۋدى جالعاستىرۋ ءۇشىن 2022 جىلى وتە ۇلكەن قارجىلىق قيىندىققا دايىندالۋى كەرەك" دەپ ەسكەرتتى كيم چەن ىن.
كيم بۇل تۋرالى سارسەنبىدە كورەيانىڭ جۇمىس پارتياسى ورتالىق كوميتەتىنىڭ وتىرىسىندا ايتتى.
"كەلەسى جىل ماڭىزدى جىل بولادى، ويتكەنى ءبىز بيىلعىداي ۇلكەن كۇرەس جۇرگىزۋىمىز كەرەك" دەدى سولتۇستىك كورەيا باسشىسى.
سولتۇستىك كورەيا مەملەكەتتىك اقپارات اگەنتتىگىنىڭ حابارلاۋىنشا، كيم ەلدىڭ ەكونوميكالىق كۇرەسىن جالعاستىرعانىمەن، سولتۇستىك كورەياداعى بيلەۋشى پارتيا ەسەپتەلەتىن جۇمىسشىلار پارتياسى ساياسي ماقساتتارعا قول جەتكىزىپ، بيىلعى جىلدىڭ باسىندا باستاعان بەس جىلدىق ەكونوميكالىق جوسپاردى ورىنداعانىن ايتتى.
سوڭعى ۋاقىتتا الىقارالىق ساراپشىلار سولتۇستىك كورەياداعى اشارشىلىق ءقاۋپى تۋرالى دابىل قاعۋدا. مەملەكەت ازىق-تۇلىك داعدارىسىنا بايلانىستى اسكەري قورداعى استىقتى قولدانۋعا ءماجبۇر بولعانى جاريالانعان. سونىمەن قاتار مەملەكەت باسشىسى كيم چەن ىن ەل ازاماتتارىن تاماقتى ۇنەمدەپ جەۋگە شاقىرعان بولاتىن.
پىكىر قالدىرۋ