ءبىلىم جانە عىلىم ءمينيسترىنىڭ باسپا ءسوز حاتشىسى ءمولدىر ابدۋالييەۆا جاڭا جىلدان باستاپ جاڭارتىلعان باعدارلاما بويىنشا ساباق بەرگەنى ءۇشىن 30 پايىزدىق قوسىمشا تولەم الىنىپ تاستالاتىندىقتان پەداگوگتەردىڭ ەڭبەكاقىسى قىسقاراتىنى تۋرالى اقپارات جالعان ەكەنىن ءمالىم ەتتى.
ونىڭ ايتۋىنشا، جاڭارتىلعان ءبىلىم بەرۋ مازمۇنى ءۇشىن قوسىمشا اقى بۇرىنعىداي تولەنە بەرەدى.
– سونىمەن قاتار، كەلەسى جىلدىڭ قاڭتار ايىنان باستاپ مەملەكەت باسشىسى ق.توقايەۆتىڭ تاپسىرماسى بويىنشا پەداگوگتەردىڭ ەڭبەكاقىسى تاعى 25% كوتەرىلەتىنىن ەسكە سالامىز. ايتا كەتەيىن، 2020 جىلى پەداگوگتەردىڭ ەڭبەكاقىسى 25%، 2021 جىلى تاعى 25% ءوستى. بۇدان بولەك، پرەزيدەنت قولداۋىنىڭ ارقاسىندا، بىلىكتىلىك ساناتى ءۇشىن قوسىمشا اقى 30-50% دەيىن ۇلعايتىلدى. سونداي-اق، مۇعالىمدەرگە داپتەرلەردى تەكسەرۋ جانە سىنىپ جەتەكشىلىگى ءۇشىن ۇستەمەاقىنى ەكى ەسەگە ارتتىرىلعانىن، سونداي-اق تالىمگەرلىك ءۇشىن قوسىمشا اقى تولەۋ سىندى جاڭا سانات پايدا بولعانىن اتاپ ءوتۋ كەرەك، – دەگەن ول جەلىدە تاراعان قاۋەسەتتەرگە سەنبەۋگە شاقىردى.
پىكىر قالدىرۋ