16 جەلتوقساننان باستاپ ءبىرىڭعاي زەينەتاقى تولەمدەرى قاراجاتى ەسەبىنەن وتباسى بانكىندەگى دەپوزيتتى تولتىرۋ مۇمكىندىگى ىسكە قوسىلماق. بۇل تۋرالى "وتباسى بانك" اق باسقارما ءتوراعاسى ءلاززات يبراگيموۆا ءمالىم ەتتى.
ءلاززات يبراگيموۆا پرەزيدەنت ۇكىمەتكە زەينەتاقى جيناقتارىنىڭ جەتكىلىكتىلىك شەگىن 2022 جىلدىڭ 1 ساۋىرىنە دەيىن ۇلعايتپاۋدى تاپسىرعانىن، دەپوزيتتى تولتىرۋ باتىرماسىن 16 جەلتوقساندا ىسكە قوسۋعا جانە ءتورت دەمالىس كۇنى بويى ارنايى شوتتار مەن دەپوزيتتەردى اشۋعا دايىن ەكەنىن اتاپ ءوتتى.
"ءبىز جەرلەستەرىمىز مەرەكەلىك داستارحان باسىندا نوۋتبۋكتى اشىپ نەمەسە ءۇي كومپيۋتەرىنەن جۇكتەپ الىپ، وزدەرىنىڭ ءبىرجولعى زەينەتاقى تولەمدەرىن وتباسى بانكتەگى دەپوزيتتەرىنە اۋدارا الاتىنداي تەحنيكالىق قولداۋدى قامتاماسىز ەتۋگە دايىنبىز. تەك ءبىر ءوتىنىش، بارلىعىن www.enpf-otbasy.kz پلاتفورماسىندا ونلاين رەجيمدە جاساساڭىزدار. P. S. اقپاراتتىق قاۋىپسىزدىك ماقساتىندا پلاتفورما تەك قازاقستاندىق IP مەكەنجايلارىنان عانا قولجەتىمدى جانە پلانشەتتىك نەمەسە ستاسيونارلىق كومپيۋتەرلەرمەن جۇمىس ىستەۋگە ەسەپتەلگەن. ەگەر ءسىز بىرەۋدىڭ پلاتفورماعا كىرە الماعاندىعى تۋرالى اشۋلى پوستىن كورسەڭىز، بۇل اۆتوردىڭ VPN ارنالارى ارقىلى تۇسىنىكسىز سايتتارعا كىرىپ، سونىڭ كەسىرىنەن ەندى پلاتفورماعا كىرە الماي وتىرعاندىعىنىڭ بەلگىسى ەكەنىن تۇسىنىڭىزدەر" دەدى ول الەۋمەتتىك جەلىدەگى پاراقشاسىندا.
پىكىر قالدىرۋ