ەلىمىزدىڭ ءىرى تۋريستىك وپەراتورلارى مەن تۋريستىك سالا وكىلدەرى الماتى وبلىسىندا قىسقى تۋريستىك ماۋسىمنىڭ اشىلۋىنا وراي ۇيعىر اۋدانىنا جينالدى.
ۇيىمداستىرۋشىلار الماتى وبلىسىنىڭ تۋريزم باسقارماسى جانە الماتى وبلىسىنىڭ تۋريستىك اقپاراتتىق ورتالىعى.
ءىس-شارا اياسىندا "Tourism ReStart. الماتى وبلىسى" اتتى دوڭگەلەك ۇستەل فورماتىنداعى فورۋم، ق ر ۇلتتىق ستاندارتتارىنا سايكەس ورنالاستىرۋ ورىندارىمەن كورسەتىلەتىن قىزمەتتەردىڭ ساپاسى بويىنشا كۋرستار، مەملەكەتتىك قىزمەتشىلەرگە ارنالعان "2021-2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوبا" تاقىرىبىنا ارنالعان ترەنينگتەر جانە "Kazakh tourism"ۇك اق ۇلتتىق كومپانياسىنان تۋريستىك يندۋستريانى سيفرلاندىرۋ بويىنشا سەمينار ءوتتى.
قىسقى ماۋسىمنىڭ اشىلۋىنا تۋريستىك سالانىڭ وكىلدەرى، تۋروپەراتورلار، بەيىندى قاۋىمداستىقتاردىڭ وكىلدەرى، ق ر وڭىرلەرىندەگى تۋريزم باسقارمالارىنىڭ باسشىلارى، الماتى وبلىسىنىڭ تۋريستىك اقپاراتتىق ورتالىعى، "Kazakh Tourism "ۇك" اق، يۋنەسكو-نىڭ قازاقستاندىق ۇلتتىق كوميتەتى قاتىستى.
فورۋم بارىسىندا قاتىسۋشىلار كارانتيندىك شەكتەۋلەر مەن تۋريزم سالاسىن قالپىنا كەلتىرۋگە بايلانىستى تۋريزمدە قالىپتاسقان جاعدايدى تالقىلادى. قاتىسۋشىلار اراسىندا بىرلەسكەن جوبالاردى ودان ءارى ىسكە اسىرۋ ءۇشىن ىنتىماقتاستىق تۋرالى مەموراندۋمدارعا قول قويىلدى.
ايتا كەتسەك، سەسمي ستاتيستيكاعا سايكەس، 2021 جىلدىڭ 9 ايىندا ەرەكشە قورعالاتىن تابيعي اۋماقتارعا كەلۋشىلەردىڭ جالپى سانى 776 707 ادامدى قۇرادى. مونيتورينگ دەرەكتەرى بويىنشا – 2021 جىلدىڭ 10 ايىندا كورسەتىلگەن قىزمەتتەر كولەمى-14 273، 9 ملن.تەڭگە.
پىكىر قالدىرۋ