"وتباسى بانك" اق باسقارما ءتوراعاسى ءلاززات يبراگيموۆا 200 مىڭعا جۋىق سالىمشى وزدەرىنىڭ ءبىرجولعى زەينەتاقى تولەمدەرىن پايدالانۋ بويىنشا ءوز قۇقىقتارىن ىسكە اسىرۋعا مۇمكىندىك العانىن مالىمدەدى.
– حالىق ۇنىنە قۇلاق اساتىن، ەستيتىن مەملەكەت – راسىندا بۇل شىندىق. پرەزيدەنت قاسىم-جومارت توقايەۆ ۇكىمەتكە زەينەتاقى جيناقتارىنىڭ جەتكىلىكتىلىك شەگىن 2022 جىلدىڭ 1 ساۋىرىنە دەيىن ۇلعايتپاۋدى تاپسىردى. 2 جەلتوقساننان كەيىنگى www.enpf-otbasy.kz پلاتفورماسىندا قابىلدانعان وتىنىشتەردىڭ ستاتيستيكاسىن كورسەتەيىن. ول داتاعا دەيىن ءبىز شتاتتىق رەجيمدە جۇمىس جاسادىق جانە كۇن سايىن 2 مىڭنان 2.5 مىڭعا دەيىن ءوتىنىش قابىلدادىق، – دەدى ول.
وتىنىشتەردى قابىلداۋ ستاتيستيكاسى:
3 جەلتوقسان-21 500
4 جەلتوقسان-15 095
5 جەلتوقسان-7 789
6 جەلتوقسان-38 478
7 جەلتوقسان-34 417
8 جەلتوقسان-31 441
9 جەلتوقسان ساعات 18:30 - 20 699 ءوتىنىش جانە كەشكە دەيىن تاعى قابىلدانادى.
وسىلايشا، ەڭبەككە قابىلەتتى 170 مىڭعا جۋىق قازاقستاندىقتار ءدال وسىلايشا ءبىر اپتانىڭ ىشىندە ءوتىنىش بەرگەن.
باسقارما ءتوراعاسىنىڭ سوزىنشە، ءوتىنىش بەرۋشىنىڭ قاراجاتتى ماقساتتى پايدالانۋىن راستاۋعا ارنالعان 45 جۇمىس كۇنى بار. ەگەر اقشا بۇگىن تۇسسە، جەلتوقسانداعى مەرەكەلەردى ەسكەرە وتىرىپ، 20 اقپانعا دەيىنگى ۋاقىت بار دەگەن ءسوز.
– ەكىنشى جاڭالىق – ءبىرجولعى زەينەتاقى تولەمدەرىن پايدالانۋ قاعيدالارىنا وزگەرىستەر قابىلداۋ پروسەسى جىلدامداتىلادى. يندۋستريا جانە ينفراقۇرىلىمدىق دامۋ مينيسترلىگى بۇيرىقتى مەرزىمىنەن بۇرىن جاريالاۋدى جوسپارلاپ وتىر. ءبىزدىڭ كليەنتتەر ءۇشىن ەرەجەگە ەنگىزىلگەن بۇل وزگەرىستەر جاڭا مۇمكىندىكتەر اشادى. ءبىز ءوز كليەنتىمىزدى جاقسى كورەمىز جانە ولاردى قاشان دا قولداۋعا دايىنبىز. ءبىز بزت قاراجاتى ەسەبىنەن دەپوزيتتى تولتىرۋ باتىرماسىن 2021 جىلدىڭ 16 جەلتوقسانىندا ىسكە قوسۋعا جانە ءتورت دەمالىس كۇنى بويى ارنايى اعىمداعى شوتتار مەن دەپوزيتتەردى اشۋعا دايىنبىز، ءبىراق وسى كۇنگە ولاردى ءبارى اشىپ ۇلگەرگەن سياقتى، – دەدى ول.
بارلىعى www.enpf-otbasy.kz پلاتفورماسىندا ونلاين رەجيمدە جاسالادى.
پىكىر قالدىرۋ