قازاقستاننىڭ ءتورت وڭىرىندە اۋا رايىنىڭ قولايسىزدىعىنا بايلانىستى ەسكەرتۋ جاريالاندى. ولار: اقتوبە، الماتى، اتىراۋ، باتىس قازاقستان وبلىستارى.

اقتوبە وبلىسىندا 10 جەلتوقسان كۇنى كوكتايعاق بولادى. وڭتۇستىك-شىعىستان جەل سوعىپ، ەكپىنى وبلىستىڭ وڭتۇستىك-باتىسىندا جانە ورتالىعىندا 15-20 م/س-كە جەتەدى.

الماتى وبلىسىنىڭ وڭتۇستىگىنە تۇمان بولادى. الاكول كولىنە جاقىن اۋدانداردا وڭتۇستىك-شىعىستان جەل سوعىپ، ونىڭ كۇشى 18-23 م/س-كە دەيىن جەتەدى.

11-12 جەلتوقساندا وبلىستىڭ سولتۇستىك-باتىسىندا سولتۇستىك-شىعىستان جەل سوعىپ، ونىڭ جىلدامدىعى 15-20 م/س، الاكول كولىنە جاقىن اۋدانداردا 29 م/س جانە ودان دا جوعارى بولادى دەپ كۇتىلەدى.

اتىراۋ وبلىسىندا 10 جەلتوقسان كۇنى ءوڭىردىڭ سولتۇستىگى، شىعىسى جانە ورتالىعىنا تۇمان ءتۇسىپ، كوكتايعاق بولادى.

باتىس قازاقستان وبلىسىنىڭ سولتۇستىگىندە، سولتۇستىك-باتىسىندا بۇرقاسىن، كوكتايعاق بولۋى ىقتيمال. جەل شىعىستان، سولتۇستىك-شىعىستان سوعىپ، وبلىستىڭ وڭتۇستىك-شىعىسىندا جەل ەكپىنى 15-20 م/س-كە جەتەدى.