"2021 جىلدىڭ 15 جەلتوقساندا ساعات 02.00-دە شىمكەنت اۋەجايىنىڭ ەلەكتروندىق پوشتاسىنا اۋەجاي عيماراتىن مينالاۋ تۋرالى حابارلاما كەلىپ ءتۇستى. تارتىپكە سايكەس، بارلىق قىزمەتتەر ەسكەرتىلەدى. پوليسيا مەن ۇقك قالالىق دەپارتامەنتى اۋەجاي قىزمەتتەرىمەن بىرلەسىپ ارنايى ءىس-شارالار وتكىزدى. اۋەجاي تەرمينالىندا ادامداردى ەۆاكۋاسيالاۋ جۇرگىزىلدى"، - دەپ راستاعاندى Sputnik قازاقستان باسىلىمىنا يندۋستريا جانە ينفراقۇرىلىمدىق دامۋ مينيسترلىگى.

ۋاكىلەتتى ورگاندار ءبىر جارىم ساعات بويى اۋەجايدى ءتىنتىپ، ەشتەڭە تاپپاعان. وسى ارالىقتا ۇشۋ توقتاتىلىپ، رەيستەر كەشىكتىرىلگەن. قازىرگى تاڭدا اۋەجاي جۇمىسى قايتا قالپىنا كەلدى. جولاۋشىلاردى تىركەۋ باستالعانى حابارلاندى.

كولىكتەگى پوليسيا دەپارتامەنتىنىڭ اقپاراتى بويىنشا، اتالعان فاكت شىمكەنت قالاسىنىڭ اۋەجايىندا جەلىلىك پوليسيا ءبولىمىنىڭ سوتقا دەيىنگى تەرگەۋدىڭ ءبىرىڭعاي تىزىمىندە تىركەلگەن. قىلمىستىق كودەكستىڭ 273-بابى ("تەرروريزم اكتىسى تۋرالى كورىنەۋ جالعان حابارلاۋ") بويىنشا قاراستىرىلادى.