دەنساۋلىق ساقتاۋ مينيسترلىگى 16 جەلتوقسان كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 546 ادامنان كوروناۆيرۋس، 59 ادامنان پنيەۆمونيا انىقتالعان. 15 جەلتوقساندا 7 ادام كوروناۆيرۋستان، 3 ادام پنيەۆمونيادان كوز جۇمعان.

17 جەلتوقسانداعى مالىمەت بويىنشا، 20 002 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 3 468 پاسيەنت ستاسيوناردا، 16 534 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 281 ادامنىڭ جاعدايى اۋىر، 81 پاسيەنتتىڭ جاعدايى وتە اۋىر، 63 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، اقمولا، پاۆلودار، سولتۇستىك قازاقستان وبلىستارى "سارى" ايماقتا.

"جاسىل" ايماقتا: نۇر-سۇلتان، الماتى، شىمكەنت قالالارى، اتىراۋ، قاراعاندى، اقتوبە، قوستاناي، الماتى، باتىس قازاقستان، تۇركىستان، جامبىل، قىزىلوردا، ماڭعىستاۋ، شىعىس قازاقستان وبلىستارى.

17 جەلتوقسانداعى مالىمەت بويىنشا 8 888 767 ادام ۆاكسينانىڭ I كومپونەنتىن، 8 345 536 ادام II كومپونەنتىن سالدىرعان.