الماتى وبلىسىندا جول اپاتى سالدارىنان 47 جاستاعى ادام جانە 9 ايلىق نارەستە كوز جۇمدى. بۇل تۋرالى Polisia.kz حابارلادى.

قايعىلى وقيعا 16 جەلتوقسان ساعات 14:00 شاماسىندا ەڭبەكشىقازاق اۋدانى قاينازار اۋىلىنىڭ ماڭىندا بولعان. 26 جاستاعى Chevrolet Cruze اۆتوكولىگىن تىزگىندەگەن جۇرگىزۋشى الماتى قالاسىنان جولاشىلاردى الىپ كەلە جاتىپ الماتى-بىشكەك اۆتوجولىمەن ءجۇرىپ كەلە جاتقان 59 جاستاعى ۆاز-21063 اۆتوكولىگىمەن سوقتىعىسقان.

اپات سالدارىنان Chevrolet Cruze اۆتوكولىگىنىڭ جۇرگىزۋشىسى مەن جولاۋشىسى الماتى قالاسىنىڭ 21 جانە 30 جاستاعى تۇرعىنى جاراقات السا، 47 جاستاعى تۇرعىن وقيعا ورنىندا كوز جۇمسا، 9 ايلىق نارەستە العان جاراقاتىنان اۋرۋحانادا 2 ساعاتتان كەيىن قايتىس بولدى.

ءقازىر ۆاز-21063 اۆتوكولىگىنىڭ جۇرگىزۋشىسى مەن ونىڭ جولاۋشىسى جانە سارىباستاۋ اۋىلىنىڭ 59 جاستاعى تۇرعىنى ءتۇرلى جاراقاتتارمەن اۋرۋحانادا جاتىر.

اتالعان فاكت قىلمىستىق كودەكستىڭ 345-بابى 4-بولىگى (ەكى ادامنىڭ ولىمىنە اكەپ سوققان جول اپاتى) بويىنشا تىركەلدى. Chevrolet Cruze اۆتوكولىگىنىڭ جۇرگىزۋشىسى قاماۋعا الىندى.