2021 جىلعى ءىىى توقسان قورىتىندىسى بويىنشا ەلدەدى ورتاشا جالاقى 243،7 مىڭ تەڭگەنى قۇراعان.
ەڭبەك رەسۋرسىن دامىتۋ ورتالىعىنىڭ مالىمەتىنە ساي، ەڭ تومەنگى جالاقى ءبىلىم سالاسى قىزمەتكەرلەرىنە تيەسىلى. ولار ورتاشا ەسەپپەن ايىنا 182،1 مىڭ تەڭگە تابادى. ونىڭ ىشىندە مەكتەپكە دەيىنگى وقىتۋ قىزمەتكەرلەرىنىڭ ورتاشا ەڭبەكاقىسى 104،4 مىڭ تەڭگەگە، باستاۋىش سىنىپ مۇعالىمدەرىنىكى 144،8 مىڭ تەڭگەگە تەڭ. جوو وقىتۋشىلارىنىكى جوعارىراق – 231،6 مىڭ تەڭگە.
سونداي-اق ۆەتەرينارلاردىڭ جالاقىسى تومەن – 135،2 مىڭ تەڭگە. اۋىل شارۋاشىلىعى قىزمەتكەرلەرى ورتا ەسەپپەن ايىنا 167،5 مىڭ تەڭگە تابادى. ساۋدا-ساتتىق سالاسى قىزمەتكەرلەرىنىڭ ورتاشا ايلىق جالاقىسى 222،1 مىڭ تەڭگە.
ايلىق ورتاشا جالاقى ەڭ جوعارى سالالار كوشىن سۋ كولىگى قىزمەتكەرلەرى باستاپ تۇر – 676،6 مىڭ تەڭگە. سونداي-اق ساقتاندىرۋ، زەينەتاقىمەن قامتۋ سالالارى، قارجى قىزمەتى ماماندارى، عىلىم مەن تەحنيكالىق سالاداعى باسقارۋشى قىزمەتكەرلەر 600 مىڭ تەڭگەدەن كوپ تابادى.
دەرەككوز: lsm.kz
پىكىر قالدىرۋ