تۇركيا پرەزيدەنتى رەجەپ ەردوعان تۇرىك ليراسى تاريحي قۇلدىراۋدان كەيىن قايتا قالپىنا كەلە باستاعانىن مالىمدەدى. بۇل تۋرالى DW اقپارات اگەنتتىگى حابارلادى.

كەشە ۇلتتىق ۆاليۋتانىڭ دوللارعا قاتىستى باعامى 18،3-گە دەيىن تومەندەپ، ەل پرەزيدەنتىنىڭ ۇندەۋىنەن كەيىن بىردەن 13 جارىم ليراعا قىمباتتاعان.

پرەزيدەنتتىڭ ايتۋىنشا، ازاماتتارعا جاڭا قارجىلىق بالاما ۇسىنىلادى. ازاماتتارعا دەپوزيتتەگى سالىمدى تۇرىك ليراسىنان شەتەل ۆاليۋتاسىنا اۋىستىرۋدىڭ قاجەتى بولمايدى. سەبەبى ليرامەن ساقتالاتىن دەپوزيت سىياقىسى ۆاليۋتا باعامىنان جوعارى بولماق.

– ەندى ايىرباس باعامى جوعارى بولادى دەپ ەشبىر ازاماتىمىزدىڭ دەپوزيتتەرىن ليرادان شەتەل ۆاليۋتاسىنا اۋىستىرۋدىڭ قاجەتى بولمايدى. ۆاليۋتا باعامىنىڭ قۇبىلۋىنا بايلانىستى باعا بەرۋدە قينالعان ەكسپورتتاۋشى كومپانيالارىمىزعا ورتالىق بانك ارقىلى فورۆاردتىق باعام بەرىلەدى. باعامداعى ايىرماشىلىق ەكسپورتتاۋشى كومپانياعا ليرا تۇرىندە تولەنەدى، – دەدى تۇركيا پرەزيدەنتى رەجەپ تايىپ ەردوعان.

ورتالىق بانكتىڭ پايىزدىق مولشەرلەمەنى تومەندەتۋ ءۇردىسى  جالعاسا بەرمەك. ەردوعان بۇل جاعداي بىرەر ايدان كەيىن ينفلياسيانىڭ تومەندەۋىنە الىپ كەلەتىنىن اتاپ ءوتتى.

بۇدان بولەك، جاڭا ەكونوميكالىق باعدارعا سايكەس، مەملەكەتتىك قىزمەتكەر، زەينەتكەرلەردىڭ جالاقىسى ارتىپ، شاكىرتاقىلار جوعارىلايدى.