رەسەي قورعانىس مينيسترلىگى ەكى "تۋ-22م3" ۇشاعى "بەلارۋس اۋە كۇشتەرىمەن بىرلەسكەن تاپسىرمالار كورسەتۋ" جاتتىعۋى ءۇشىن ءتورت ساعاتتىق ميسسيانى ورىنداعانىن حابارلادى.
يادرولىق قارۋعا قابىلەتتى رەسەيلىك ۇزاق قاشىقتىققا ۇشاتىن بومبالاۋشى ۇشاقتار بەلارۋس اسپانىندا ۇشتى. ماماندار مۇنى باتىسپەن ارا-قاتىناس شيەلەنىسكەن جاعدايدا ماسكەۋ مەن مينسك اراسىنداعى تىعىز قورعانىس بايلانىستارىن كورسەتۋ ءۇشىن جاسالعانىن ايتادى.
باتىس ەلدەرى "ۋكرايناعا جاقىن جەردە رەسەي اسكەرىن جيناپ جاتىر. ماسكەۋ ۋكرايناعا باسىپ كىرۋ ءقاۋپى بار" دەپ الاڭدايدى.
ماسكەۋ شابۋىل جاساۋ جوسپارىن جوققا شىعارادى، ءبىراق ناتو-نىڭ ۋكرايناعا كەڭەيۋىنە قارسى ەكەنىن مالىمدەپ، اليانستى قارۋ-جاراعىن ۋكرايناعا ورنالاستىرماۋ تۋرالى قاۋىپسىزدىككە كەپىلدىك بەرۋگە شاقىردى. الايدا بۇل تالاپتاردى اقش پەن ونىڭ وداقتاستارى قابىلدامايتىنى انىق.
پىكىر قالدىرۋ