تەڭىز كەنىشىندە "كەلەشەك كەڭەيۋ" جوباسىنىڭ اياقتالۋىنا بايلانىستى 2022 جىلى 39 مىڭ ادام جۇمىستان قىسقارتىلادى. ولاردىڭ 45 پايىزى اتىراۋلىقتار، دەپ حابارلادى 24.kz ارناسى.
تەلەارنا مالىمەتىنشە، كەلەر جىلى وڭىردە جۇمىسسىزدار سانى كۇرت ءوسۋى مۇمكىن. جاڭا جىلدىڭ العاشقى 3 ايىندا 7 مىڭ جۇمىسشى قىسقارتىلادى. ونىڭ 3 مىڭعا جۋىعى اتىراۋ وبلىسىنىڭ تۇرعىندارى.
ال "تەڭىزشيەۆرويل" كومپانياسى جۇمىسسىزدار سانىنىڭ كۇرت ءوسىپ كەتپەۋى ءۇشىن شارالار قولعا الىپ جاتقانىن ايتادى. كومپانيا وكىلدەرى "16 مىڭنان استام ادام كومپانيا ەسەبىنەن وقىتىلدى" دەپ وتىر.
اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ەركەبۇلان ءابىلقاسىموۆ مەملەكەتتىك باعدارلامالار ارقىلى ون ەكى مىڭعا جۋىق ادامدى جۇمىسپەن قامتۋ كوزدەلىپ وتىرعانىن جەتكىزدى. سوزىنشە، مۇناي حيميا كەشەنى سالاسىنداعى ينۆەستيسيالىق جوبالار، جاسالىپ، ەندى جاسالايىن دەپ جاتقان جوبالار، سولاردىڭ قۇرىلىسى كەزىندە جيىرما مىڭعا جۋىق ادام جۇمىسپەن قامتىلادى.
پىكىر قالدىرۋ