اقتاۋدا جەڭىل كولىك جۇرگىزۋشىسى جاياۋ جۇرگىنشىلەر وتكەلىنەن ءوتىپ بارا جاتقان ايەل مەن بالاسىن قاعىپ كەتتى. ايەل وقيعا ورنىندا قايتىس بولدى، دەپ حابارلادى lada.kz سايتى.

قايعىلى وقيعا كەشە 20 جەلتوقسان شامامەن ساعات 23:45-تەر شاماسىندا 16-19 شاعىناۋدانداردا بولعان. Toyota Land Cruiser جۇرگىزۋشىسى جاياۋ جۇرگىنشىلەر وتكەلىنەن ءوتىپ بارا جاتقان 29 جاستاعى ايەلدى قاعىپ كەتكەن. ايەل العان جاراقاتتارىنان وقيعا ورنىندا قايتىس بولعان. ال ايەلدىڭ 5 جاسار قىزى شۇعىل ماڭعىستاۋ وبلىستىق بالالار اۋرۋحاناسىنا جەتكىزىلگەن. كەيىن ول دا ەسىن جيماستان ەمحانادا كوز جۇمعانى انىقتالدى.

اتالعان ءىس قىلمىستىق كودەكستىڭ 345-بابى 4-بولىگى (ابايسىزدا ەكى جانە ودان دا كوپ ادامنىڭ ولىمىنە اكەپ سوققان جاعداي) بويىنشا تىركەلدى. ءقازىر تەرگەۋ جۇمىستارى ءجۇرىپ جاتىر. سوت مەديسينالىق ساراپتاما تاعايىندادى. كولىك جۇرگىزۋشىسى ۋاقىتشا ۇستاۋ يزولياتورىنا قامالعانى بەلگىلى بولدى.