ەنەرگەتيكا ءمينيسترى ماعزۇم مىرزاعالييەۆ تەڭىز كەنىشىندە "كەلەشەك كەڭەيۋ" جوباسىنىڭ اياقتالۋىنا بايلانىستى 2022 جىلى 39 مىڭ ادام جۇمىستان قىسقارتىلاتىنىن راستادى.
مينيستر مۇنداي جاعدايدى زاڭدى ەكەنىن، كەز كەلگەن جوبانىڭ باسى مەن سوڭى بولاتىنىن جەتكىزدى.
– بۇل شىنىمەن دە سولاي. تەڭىزدى كەڭەيتۋ جوباسى اياقتالۋعا جاقىن. جەرگىلىكتى ورگاندار مەن ۇكىمەتتىڭ مىندەتى ادامداردى جۇمىسقا ورنالاستىرۋ. جوبانىڭ باستالىپ، اقتالىپ جاتۋى تابيعي قۇبىلىس. جوبالار جالعاسىن تابۋى ءۇشىن ەلدىڭ ينۆەستيسيالىق تارتىمدىلىعىن قولداۋ كەرەك، – دەدى ول.
مينيستر كەلەر جىلى اتىراۋ وبلىسىندا پروپيلەن ءوندىرۋ زاۋىتى ىسكە قوسىلاتىنىن، قاشاعان جوباسى العاشقى فازاسى اياسىندا زاۋىت قۇرۋ بويىنشا جۇمىس باستالعانىن اتاپ ءوتتى.
بۇعان دەيىن تەڭىز كەنىشىندە "كەلەشەك كەڭەيۋ" جوباسىنىڭ اياقتالۋىنا بايلانىستى 2022 جىلى 39 مىڭ ادام جۇمىستان قىسقارتىلاتىنى، ولاردىڭ 45 پايىزى اتىراۋلىقتار ەكەنى حابارلانعان.
جاڭا جىلدىڭ العاشقى 3 ايىندا 7 مىڭ جۇمىسشى قىسقارتىلماق. ونىڭڭ 3 مىڭعا جۋىعى اتىراۋ وبلىسىنىڭ تۇرعىندارى.
پىكىر قالدىرۋ