الماتىدا ناۋرىزباي اۋدانىنىڭ "الما سيتي-5" جانە الاتاۋ اۋدانىنىڭ "مادەنيەت" ءتۇرعىن-ۇي كەشەندەرىندە ورنالاسقان پاتەرلەردى جۇمىس ىستەيتىن جاستارعا ساتىپ الۋ قۇقىعىنسىز جالعا بەرەتىن باعدارلاماعا ءوتىنىش قابىلداۋ كونكۋرسىنىڭ ناتيجەسى شىقتى.

كونكۋرستان وتكەندەردىڭ، جالپى ۇمىتكەرلەردىڭ، كونكۋرستان وتپەي قالعانداردىڭ ءتىزىمى تومەندەگىدەي.

1.ەڭ كوپ ۇپاي جيناعان 1050 ۇمىتكەردىڭ ءتىزىمى؛
2. ۇمىتكەرلەردىڭ جالپى ءتىزىمى؛
3. ەرەجەنىڭ تالاپتارىنا سايكەس كەلمەۋىنە بايلانىستى قابىلدانباعان ءوتىنىش بەرۋشىلەردىڭ ءتىزىمى.

الداعى ۋاقىتتا ەڭ كوپ ۇپاي جيناعان 1050 ۇمىتكەرمەن تۇرعىن ءۇيدى جالداۋ شارتى جاسالادى.

ۇمىتكەر پاتەردەن باس تارتقان جاعدايدا، تۇرعىن ءۇي جالپى ءتىزىم بويىنشا كەلەسى ۇمىتكەرگە ۇسىنىلادى.

قوسىمشا سۇراقتار بويىنشا تومەندەگى تەلەفوندارعا حابارلاسۋعا بولادى.

8 727 225 14 52، 8 727 225 14 07.

الماتى قالاسىندا سوڭعى 3 جىل بويى جۇمىس ىستەيتىن جاستارعا 5 جىلعا ساتىپ الۋ قۇقىعىنسىز پاتەر بەرۋ باعدارلاماسى ىسكە اسىرىلىپ كەلەدى. ءپاتاردىڭ اي سايىنعى ارەنداسىنىڭ قۇنى ونىڭ كولەمىنە بايلانىستى انىقتالادى. جالداۋاقى شامامەن ايىنا 5 مىڭ مەن 15 مىڭ تەڭگە ارالىعىن قۇرايدى. كوممۋنالدىق تولەمدەر اقىسى بۇل سوماعا كىرمەيدى، ونى بولەك تولەۋ كەرەك.

باعدارلاماعا قاتىسۋشىلارعا قويىلاتىن نەگىزگى تالاپتار:

– 29 جاسقا تولماعان، مەكتەپ، تەحنيكالىق جانە ورتا ءبىلىمى بار نەمەسە جوعارى وقۋ ورنىن ءتامامداپ جۇمىس ىستەپ جۇرۋگە ءتيىس؛

– سوڭعى 2 جىلدا الماتى قالاسىندا تىركەۋدە تۇرۋى كەرەك؛

– جەكە باسىندا ءۇيى جوق بولۋى مىندەتتى؛

– بانكتە جيناق شوتتىڭ بولۋى مىندەتتى.

– سوڭعى 6 ايدا ۇمىتكەرلەردىڭ اي سايىنعى جالاقىسى 40 اەك-تەن جوعارى بولۋى ءتيىس – 116 680 تەڭگە.