عالىمدار كەم دەگەندە 66 ميلليون جىل بۇرىنعى دينوزاۆر ەمبريونىن تاپقانىن حابارلادى.
بۇل قازبا قىتايدىڭ وڭتۇستىگىندەگى گانچجوۋ قالاسىندا تابىلعان. زەرتتەۋشىلەر ونىڭ ءتىسسىز تەروپود دينوزاۆرىنا نەمەسە وۆيراپتوروزاۆرعا تيەسىلى ەكەنىن ايتادى.
وۆيراپتوروزاۆرلار – سوڭعى بور كەزەڭىندە ياعني 100 - 66 ملن جىل بۇرىن قازىرگى ازيا مەن سولتۇستىك امەريكادا ءومىر سۇرگەن قاۋىرسىندى دينوزاۆرلار.
"بۇل تاريحتا تابىلعان ەڭ جاقسى ساقتالعان دينوزاۆر ەمبريوندارىنىڭ ءبىرى" دەدى بيرمينگەم ۋنيۆەرسيتەتىنىڭ زەرتتەۋشىسى ءارى، "iScience" جۋرنالىنداعى عىلىمي ماقالانىڭ اۆتورى فيون ۆايسۋم ما.
جاڭالىق زەرتتەۋشىلەرگە دينوزاۆرلار مەن قازىرگى قۇستار اراسىنداعى بايلانىستى تەرەڭىرەك تۇسىنۋگە مۇمكىندىك بەرەدى.
پىكىر قالدىرۋ