بۇرىنعى دەنساۋلىق ساقتاۋ ءمينيسترى الەكسەي سوي قىزمەتىنەن كەتۋ تۋرالى شەشىمدى 8 اي بۇرىن قابىلداعانىن مالىمدەدى. بۇل تۋرالى ول 24.kz ارناسىنا بەرگەن سۇحباتىندا ايتقان.
– ءبىزدىڭ مينيسترلىك سياقتى وزگە ۆەدومستۆولار جۋرناليستەرمەن وسىنشالىقتى ءجيى كەزدەسپەگەن بولار. تەك ورتالىق كوممۋنيكاسيالار ورتالىعىنىڭ وزىندە 27 رەت بريفينگە شىقتىم. ونىڭ ءبارى ۋاقىت الاتىنىن ءتۇسىنۋ كەرەك. ءبىر بريفينگتىڭ وزىنە كەيدى 3-4 ساعات كەتەدى. وعان قوسا دايىنلىق ۋاقىتى بار. پاندەميا كەزىندە شەشىلۋى ءتيىس كوپتەگەن ماسەلە تاعى بار. جاڭا ۆاكسينالاردى جەتكىزۋگە قاتىستى بۇيرىقتى كۇتەمىز. مۇنىڭ ءبارىن ەشكىم ەسەپتەمەيدى، – دەدى سوي.
20 جەلتوقساندا الەكسەي سوي وتستاۆكاعا كەتكەن بولاتىن. ول مينيسترلىك قىزمەتىنەن باسقا جۇمىسقا اۋىسۋىنا بايلانىستى كەتكەنىن ايتتى.
الەكسەي سوي دەنساۋلىق ساقتاۋ ءمينيسترى قىزمەتىنە 2020 جىلدىڭ 25 ماۋسىمىندا تاعايىندالعان بولاتىن.
ءقازىر دەنساۋلىق ساقتاۋ ءمينيسترى قىزمەتىن ۋاقىتشا ۆيسە-مينيستر جاندوس بۇركىتبايەۆ اتقارىپ جاتىر.
پىكىر قالدىرۋ